6. In Assumptione BMV.

Ad Missam.

Ingressus.
Mater misericordiae,
Divinae plena gratiae,
Conscendens coelum hodie,
Ingressa aulam regiam,
Roga regis clementiam,
Ut nobis donet veniam
Cum gratia et gloriam.

Psalmellus.
Et Nazareno Joachim

Florido floriferam
Floris campi Jesu matrem,
Virginem puerperam,
Domum panis de Bethlehem,
Anna, das Christiferam.
V. Matrem intrantem hodie
Aulam nati superaui
Et sedentem in solio
Ad ipsius dexteram,
Ignoro, quibus laudibus
Hanc reginam praeferam.

In Alleluja.

Quam digne domum coelicam
Matri, Christe, tribuisti,
Cujus in terris uterum
Mundam domum habuisti.

Post Evangelium.

Coelestis gaude curia,
Quod assumpta in gloria
Mater Dei et filia
Est plena cunctis gaudiis,
Exuberans divitiis,
Honoribus, deliciis.

Offerenda.

Matri, quae Deo obtulit
Se virginalem hostiam,
Donavit Deus hodie
Regalem excellentiam
Honorans hanc regalibus

Throno, corona, vestibus,
Coeli praefert agminibus.

Confractio.

Sub vera panis specie
Corpus Christi frangitur,
Cujus signatum integium
Manet, quod non scinditur,
Virgo, quae ipsum peperit,
In coclo recipitur.

Transitorium.

Corpus, quod virgo peperit
Sine virili semine,
Lactavit, fovit gremio,
Recipitur ab homine,
Consociatum hodie
Cum genitrice virgine,
Quae cum Christo tripudiat,
Suo beato germine.

7. Ib Nativitate BMV.
Ad Missam.

Ingressus.

Ut lilium munditiae

Virgo mundum ingreditur,

Ut rosa patientiae

Per mundum haec progreditur,

Cunctis virtutum floribus

Septa mundum egreditur.

Psalmellus.

Aufert supernus aurifex
De argento rubiginem,
Originali macula
Dum purgat ipse virginem,
Quae Christum nobis peperit
Deum verum et hominem ;
V. Haec tamquam vas purissimum
Ventrem matris egreditur,
In quo redemptor hominum
Deus homo recipitur.

In Alleluja.

Ortam rogemus virginem
Prae cunctis venerabilem,
Quod precibus se praebeat
In nostris exaudibilem,
Ut assequamur gloriam
Per ipsam ineffabilem.

Post Evangelium.

Laeteris pater Joachim
Mariae, matris Domini,
Qui genuisti virginem
Omni praelatam virgini,
Angelorum quae praesidet
Felix superno agmini.

Offerenda.

Offert Anna de Bethlehem
Mundo domum paniferam

Ex Joachim de Nazareth
Christi floris floriferam,
Per quam redempti ducimur
Ad aulam vitae superam.

Confractio.

Sub sacramenti specie
Corpus Christi frangitur,
Cujus signatum integrum
Nullam scissuram patitur,
Natum de nata virgine,
Quod ara crucis figitur,
Per quod a mortis vinculis
Captiva plebs absolvitur.

Transitorium.
De regali progenie
David Maria nascitur,
Ex qua rex regum Dominus,
Christus Jesus, producitur,
Cujus corpus vivificum
A sacerdote sumitur.

Aliud Transitorium.
Natus de nata virgine
Christus matre deifera
Sub panis latens specie
Quondam hac aula infera,
Dum transit ipsa species,
Ipse transit ad supera.