62. De sancto Richardo.

In 1. Vesperis.
Antiphonae.

1. Almi laudes confessoris,
Richardi beatissimi,
Resonemus cunctis horis,
Mente Deo proximi.

2. Tanta prole fecundata
Felix gaude, Anglia,
Quam ad dona Deo data
Petri trahunt retia.

3. O solamen miserorum,
Richardo beatissime,

Cunctas pelle sordes morum,
confessorum optime.

4. Pater sancte, Deo care,
Cum prece assidua
Semper Christum deprecare
Pro dilecta Andria.
5. Obtulisti Christo laudes

Gerens spem de praemio,
Unde digne tu congaudes
Abrahae in gremio.

Ad Magnificat.

A. Gaudet chorus confessorum

Aucto pro collegio,
Gratulatur coetus horum

Nobili praeconio,
Plaudit omnis angelorum

Reverenda legio,
Offerens regi polorum

Richardum cum gaudio.

Ad Matutinum.
Invitatorium.

Summo regi iubilemus
Redemptori optimo,

Corde, ore decantemus
Cum Richardo Anglico.

In 1. Nocturno.
Antiphonae.

1. Generosum trahens ortum
Clara de prosapia,
Cuius vitae sprevit portum
Tendens ad sublimia.
2. Cum optaret sequi Christum
Noxae pulsa macula,
Pertransivit mundum istum
Petri cum navicula.

3. Confidenter vir beatus
Properat in Andriam
Et a Petro informatus
Optat vitae gloriam.

Responsoria.

1. Postquam cursum consummavit
Almus Christi villicus
Portas vitae penetravit
Praesul apostolicus,
Cui Iactus obviavit
Cuneus angelicus;
V. Corpus eius honoravit
Et devote collocavit
Andrianus populus.

2. Caelum petit triumphator

Cum ingenti gloria,
Animorum illustrator

Fulget in memoria,
Quem admittit poli sator

Purum sine scoria,
Eum mittit vitae dator

Lucis ad praetoria,
V. Vitae cursu consummato

Pergit ad aetherea,
Hoste vadit triumphato

Ad regna siderea.
3. Propagator veritatis,
Rosa fulgens pietatis,

Richarde beatissime,
Voces, preces tui cleri
Dirigas ad regem caeli,

O pater sanctissime;
V. Pastor clemens, praesul pie,

Ad te spectat Andria,
Ipsa colit in hac die

Festa tui annua.

In 2. Nocturno.
Antiphouae.

1. Andriam Richardus
Petro missus venit
Et in porta plurimos
languidos invenit.

2. Cumque populus poposcit

vitae sanitatem,
Obtinere meruit

mentis sospitatem.
3. Populus est illustratus

Fidei mysterio,

Consequenter est ditatus
Castae prolis praemio.

Responsoria.

1. Hic est sacer ignis claras,

Richardus beatissimus,
Qui exsistit Deo carus,

Ei semper proximus;
Antiquorum confessorum

Hic censetur socius,
In caterva splendet quorum

Velut solis radius.
Quo rectore, quo doctore

Illustratur Anglia,
Quo congaudes tu pastore,

O civitas Andria.
V. Sidus vere sacerdotum

Luces per Illyricum,
Illustrasti fere totum

Populum Italicum.
2. Adest hic Israelita,
Cui Christus fuit vita

Optanti caelestia,
Mentis visum Christo fixit,
Carnem mundo crucifixit

Respuens terrestria ;
V. Christum amans cuncta sprevit

Mundi circumstantia,
Semen Dei semper sevit

Cum perseverantia.
3. Gaude semper et laetare,

Urbs praeclara Andria,
Almum patrem deprecare

Cum prece assidua,
Ut per ipsum mereare

Dona caeli gaudia ;
V. Cui nihil in hac vita
Gratum fuit sibi ita
Quam tua devotio.

In 3. Nocturno.
Antiphonae.

1. Cum fecisset signum crucis

Super caeci oculos,

Introduxit formam lucis

Respuentis baculos.

2. Mulieris manum rexit
Richardus beatissimus,
Ipsam sanam sursum vexit
Praesul devotissimus.
3. Mulier tunc exclamavit:
Unus est altissimus,
Per quem solum me sanavit
Richardus Dei optimus.

Responsoria.

1. Intuens Richardus

turbam infirmorum,
Flectit sancta genua

pro salute horum,
Quem exaudit pietas

Domini polorum
Diluens contagia

corporum et morum;
V. Christum petit ore, mente

Pro salutis gratia,
Orat ipsum et intente,

Ut repellat vitia.
2. Sanctae consecrationis

Facto mysterio,
Vir summae devotionis

Redit a monte Gargano,
Quem repleti sacris donis

Ambiunt prae gaudio ;
V. Plebs fidelis collaetatur
Et in Christo iucundatur

De pastoris reditu.

In Laudibus.
Antiphonae.

1. Tanta erat in hoc viro
Verbi efficacia,
Ut infectos ritu diro
Illustraret gratia.
2. Pollens mira vir beatus
Animi prudentia,
Digne multis est praelatus
In adulescentia.

3. Stella nitens et praeclara,
Richarde beatissime,

Taetra pelle, lucem para,
Serve Dei maxime.

4. Christo reddat commendatos
Suis almis precibus,
Quos fecit esse beatos
Disciplinae moribus.

5. In caterva confessorum
Flores velut lilium,
In te sibi rex caelorum
Fecit habitaculum.

Ad Benedictus.

A. Claritate lucens morum

Richardus, Dei famulus,
Intrat agmen confessorum
Cultor Christi maximus,

Quem coronat rex sanctorum
Vitae dator optimus.

In 2. Vesperis.
Ad Magnificat.

A. Digna coli adest dies

Pio modulamine,
In qua datur sancta quies

Longo pro cartamine,
Hodierna sanctus die

De mundi voragine
Ductus est ad caelum pie

Triumphali carmine,
Unde nos te rogamus,

Richarde beatissime,
Ut sis praesto, exoramus,

Pastor clementissime.