11. De Omnibus Sanctis.
Ad Missam.

Ingressus.

Ingressi sancti patriam,
Optatam super omnia,
Exsultant ineffabili
Magnificati gloria,
Quibus mercedem Dominus
Dat pro suis laboribus
Et hos justus remunerat
Nunc pro justis operibus.

Psalmellus.

Quod ad decus est cunctorum
Templum factum idolorum,
Opus gentis Romanorum
A papa Bonifatio
Dedicatur collegio
Sanctorum pio studio.

V. Pii muneris donator
Papae templum imperator
Phocas dat Christi zelator,
Ejus cultus dilatator.

In Alleluja.
Beati sunt, qui habitant
In domo tua, Domine,
Quibus donasti perfrui
Mira tua dulcedine.

Post Evangelium.
Sunt reverendi angeli
Missi in ministerium,
Qui a cunctis insidiis
Custodiunt nos hostium
Et exutos corporibus
Portant ad coeli solium.

Offerenda.

Omnes sancti obtulerant
Se Christo vivas hostias,
Qui cum mundo calcaverunt
Omnes carnis delicias,
Inimicum subjecerunt
Per virtutum victorias.

Confractio.

Corporis Christi hostia
In tres partes dividitur,
Divisum parte qualibet
Totum vere asseritur,
Est gratiarum actio

Prima pro jam regnantibus,
Una purgandos adjuvat
Est una pro viventibus.

Transitorium.

Corpus Christi non concisum,
Non confractum, non divisum
Integrum accipitur ;
Sumit unus, sumunt mille,
Quantum isti, tantum ille
Nec tamen consumitur ;
Hoc est omnium sanctorum
Firma fides beatorum,
Hoc constanter creditur.

IIb. De Omnibus Sanctis.
Sequentia.

la. Omnes fideles laudibus
Laudent Deum solemnibus
In sanctis suis omnibus.

2 a. Angelicis spiritibus,
Apostolis, martyribus
Et piis confessoribus,

3 a. Nos deserentes devia
Imitemur vestigia
Sanctorum fide praevia,

4 a. Spreta via mortifera
Sancti per sancta opera
Scandunt ad regna supera.

5 a. Instant misericordiis,
Se macerant jejuniis,
Attenuant vigiliis,

6 a. Includuntur carceribus,
Conteruntur lapidibus,
Subjiciuntur ignibus.

a

7 a. Nunc in coelesti patria
Sunt, ubi magna gloria,
Ubi nulla miseria.

8 a. Bonis illis perennibus

Fac nos, Christe, coelestibus
Frui supernis sedibus.

1 b. Cantent sonoris vocibus,
Jucundi plaudant. manibus,
Laetis exsultent cordibus.

2 b. Supplicamus virginibus,
Ut nos suis sermonibus
Informent et operibus.

3 b. Per quae divina gratia
Veniamus ad gaudia
Cum peroptata gloria.

4 b. Reliquerunt itinera,

Per quae pergunt ad infera
Damnati propter scelera.

5 b. Affligunt modis variis,
Diris dantur suppliciis,
Interimuntur gladiis.

6 b. Exponuntur leonibus,
Venenosis serpentibus,
Privantur cute, dentibus.

7 b. Ubi nulla tristitia,
Ubi omnis laetitia,
Pax et bona sunt omnia.

8 b. Cum beatorum civibus
Sine fine regnantibus
Subjectis sibi hostibus.