67. De sancto Sigfrido.

In 1. Vesperis.
Super Psalmos.
A. Sanctus Sigfridus Angliae
Ortus ut sidus Sueciae
Praeclarum radiavit
Et tenebras perfidiae
Gentis illius patriae
Primus illuminavit.
E. Ad salvatoris omnium
Ovile gregis gentium
Pastor bonus adducere

Affectans, evangelium,
Dulcem pastum fidelium,
Studebat illis spargere.
V. Propter tam sanctum studium
Vitae perennis praemium
Iam meruit percipere.

Ad Magnificat.

A. Adest dies gloriosa,
Digna laude speciosa

Pro Sigfridi gaudiosa
Praesulis memoria,

Qua pro vita virtuosa

Et doctrina radiosa

Reportavit copiosa
In supernis praemia.

Per cuius patrocinia

Nobis Dei clementia

Praestet aeterna gaudia.

Ad Matutinum.
Invitateium.

Adoremns confessurum
Regem cum laetitia,

Qui Sigfridum beatorum
Coronat in gloria.

In 1. Nocturno.
Antiphonae.

1. Rex Olavus, laude dignus.
Prudens, potens et benignus,

Sed gentilis primitus.
Ut Sueorum regum quidem
Primus credat Christi fidem,
Inspiratur caelitus.
2. Angliae rex praeerat

Mildredus illo tempore,
Cui rex se coniunxerat
Oiavus firmo foedere.

3. Hi reges se assiduis
Intermiscebant nuntiis
Et quam frequenter mutuis
Honorabant exeniis.

Responseria.

1. Rex Olavus

per regem Anglicam
Mitti petit

virum veridicum,
Per quem possit

mox ad catholicum
Ritum, cultum
quoque dominicum
Cum suis erudiri.

V. O caelorum

regem mirificum.
Qui gentili

velle tam caelicum
Dignatus est largiri.
2. Rex Mildredus aggregatis
Anglicanis tunc praelatis

Cuaerit, quis ad Sueciae
Regem praeco veritatis
Esse velit de praefatis
Patribus ecelesiae,
V. Qui ad fidem trinitatis
Ducat gentes in peccatis
Datas idolatriae.
3. Dum gentilis feritas
Et laborum gravitas
Ceteros deterruit.
Deest mori tarditas.
Se Sigfridi sanctitas
Ad hoc sponte praebuit,
V. Ingens eius caritas
Atque nagnanimitas
Inde clare patuit.

In 2. Nocturno.
Antiphcnae.

1. Proponens in Sueciam
Pergere repente
Pervenit in Daciam
Deo disponente.

2. Recepit honorifice

Rex Sueno virum Dei
Praebens illi magnifice.

Quod opus erat ei.

3. Pollens praeclaris moribus

Vitam plenam virtutibus

Ibidem decens duxit
Et regem cum principibus
Plebemque salutaribus

Documentis instruxit.

Responsoria.

1. De Dacia progrediens.
Verendiam ingtessus.

Primum Vexio perveniens
Se dedit pausae fessus,
V. Conversionem patriae

Et formulam ecclesiae
Conspexit somno pressus.

2. Fidem Iesu Nazareni
Viro Dei se bis seni

Primi Verendensium
Pollicentur susceptores
Atque secum creditores
Reliquos gentilium;
V. Hos instructos baptizavit
Et renatos aggregavit
Coetui fidelium.

3. Suis, quos Vexio duxerat,
Nepotibus, quam fecerat,
Ecclesiam commendat
Et ad Olavum properat
Regem, ut quam cupierat,
Illi fidem ostendat
V. Et post sacra documenta
Sacer Christi sacramenta
Regi praesul impendat.

In 3. Nocturno.
Antiphonae.

1. Rege praesul in partibus
Westgotiae invento
Hunc aggregat fidelibus
Baptismi sacramento.

2. Plures exemplum regium
Salubriter sectati
Spreto ritu gentilium
In Christo sunt renati.

3. Vir sanctus, quos recentius
Divinis sacramentis
Imbuerat, uberius
Rigabat documentis.

Responsoria.

1. Almi patris et insignis
Trucidantur a malignis
Nepotes interea,

Quos illustrat Christus signis
Et coronis ornat dignis
In aula siderea;
V. Sic tormentis pro indignis
Dantur iustis et benignis
Praemia aetherea.
2. Interemptis crudeliter
Cultoribus iustitiae
Gemens Vexio velociter

Redit minister gratiae,
Quo vacillabat graviter
Novae status ecclesiae,
V. Nam recrevit celeriter

Vetus error perfidiae.
3. O stupendum spectaculum,
O praeclarum miraculum !
Grandi saxo vasculum
Natans ad Dei famulum
Vexit nepotum capita
Diu sub undis abdita,
V. Et tria luminaria
Divinitus micantia

Monstrant sanctorum merita.

In Laudibus.
Antiphonae.

1. Rex Olavus viros rectos
Ut percepit interfectos,
Graviter ingemuit
Et praesuli condoluit.
2. Ut emendam per immensam
Mitigaret rex offensam
Pontificis, Verendiam
Pergit zelans iustitiam.

3. Grandem praesul pecuniae

Pro emenda dum respuit
Summam, multa ecclesiae

Rex praedia mox contulit.
4. Hinc Vexio superstitio

Perfidiae profana
Defecit et religio

Profecit christiana.
5. Illic vivens in virtute

Sigfridus his patratis

Bona tandem senectute
Coniunctus est beatis.

Ad Benedictus.

A. Sancte praesul, exstirpator

Infidelitatis
Et fidelis seminator

Verbi veritatis,
Esto nobis mediator,

Ut nos a peccatis

Purgans collocet salvator
Regno claritatis.

In 2. Vesperis.
Ad Magnificat.
A. Pie pater et patrone,
Tua interventione
Nos a malis liberari
Et procures collaetari
Sine terminatione
Tecum caeli mansione.