COLLATIO LXXIII.

(Vers. 17.). Ascendo ad Patrem meum et Patrem vestrum.

i. Nota, quod quadruplicem ascensum Christi legimus in Scriptura, scilicet ascensum Christi in carnem, ascensum Christi in crucem, ascensum Christi ab inferis et ascensum Christi ad Patrem. - De ascensu Christi in carnem, Isaiae decimo nono : " Ecce, ascendet Dominus super nubem levem et ingredietur Aegyptum ".

De ascensu Christi in crucem, Isaiae quinquagesimo tertio: " Ascendet sicut virgultum coram eo et sicut radix de terra sitienti

De ascensu Christi ab inferis, in Psalmo: Iter facite ei qui ascendit super occasum; Dominus nomen illi ".

De ascensu Christi ad Patrem, hic: Ascendo ad Patrem meum etc.

2. Et nota , quod ascensus iste ultimus, quil inter alios est principalis, nobilissimus fuit quantum ad primatum, potentissimus quantum ad modum, iucundissimus quantum ad pompam, altissimus quantum ad terminum.

Nobilissimus fuit quantum ad primatum. Nullus enim ascendit in caelum primo et per se nisi Christus. Nam quotquot praeter ipsum ascendunt, per ipsum et post ipsum; et ideo Ioannis tertio : " Nemo ascendit in caelum, nisi qui descendit de caelo, Filius hominis, qui est in caelo ".

Fuit potentissimus quantum ad modum. Non enim ascendit translatus, ut Henoch, vel subvectus, ut Elias, sed propria virtute elevatus; unde comparatur eius ascensio volatili; Psalmus : " Ascendit super Cherubim et volavit ".

Iucundissimus quantum ad pompam: unde in Psalmo: " Ascendit Deus in iubilo et Dominus in voce tubae ".

Fuit etiam altissimus quantam ad terminum: Psalmus: Domino, qui ascendit super caelum caeli ad orientem "; et ad Ephesios quarto:"lpse est, qui ascendit super omnes caelos, ut adimpleret omnia".

8. Ascendo, inquit, ad Patrem meum. Iuxta quadruplicem Domini ascensionem nota quadruplicem generis humani fructum. Nota, quod aliquis solet ascendere ante alium, ut viam ostendat., ut iter expediat, ut manum extendat ad trahendum alium post se, ut hospitium accipiat. Per hunc modum ascendit Christus ante genus humanum.

In incarnatione ascendit ante nos, ut viam vitae ostenderet; Michaeae secundo : "Ascendam ante eos, pandens iter". Hoc figuratum est Exodi decimo tertio, ubi legitur, quod " ascenderunt filii Israel de terra Aegypti: Dominus autem praecedebat eos per diem in columna nubis et per noctem in columna ignis, ut esset dux itineris eorum in utroque tempore ". Per columnam nubis intellige in Christo exemplum vitae ; per columnam ignis intellige in Christo: exemplum vel eloquium doctrinas; quae duo portavit Christus ante nos quasi cefoferarius noster ad illuminandum nobis in sua conversatione.

3. In passione ascendit Christos ante nos, ut iter nobis expediret. Obstabat enim volentibus adire regnum impedimentum poenae et impedimentum pugnae. Sed Christus., ascendens in crucem, et poenam tulit et pugnam vicit, ita quod quilibet post ipsum ascendere possit. Quod figuratum est primi Regum decimo .quarto , ubi legitur, quod " ascendit Ionathas contra stationem Philisthinorum, manibus et pedibus reptans, et armiger eius post eum": et sequitur, quod cum vidissent faciem lonathae, "alii cadebant ante Ionathara, alios armiger eius interficiebat, sequens eum ". Item figuratum est primi Machabaeorum quinto, dicente Timotheo de Iuda Hachabaeo: " Cum appropinquaverit Iudas et exercitus eius ad torrentem aquae, si transierit ad nos prior, non poterimus sustinere eum, quia potens poterit adversus nos. Si vero timuerit transire et posuerit castra citra flumen, transfretemus ad eos et poterimus adversus illum "; et sequitur, quod "Iudas transfretavit ad illos prior et omnis populus post eum, et contritae sunt omnes gentes a facie eorum ". Transitus torrentis est sustinentia poenae, contritio gentium victoria pugnae; quae duo fecit Christus in sua passione; et sic expedivit nobis iter vitae.

4. In resurrectione ascendit ante nos, ut ad erigendum nos nobis manum extenderet. Omnes enim recludebamur in fossato mortis, quousque Christus, ascendens de morte, iacentibus extendit manum suam et extraxit eos ab inferis. Et pingi solet Christus egrediens ab inferis manu retro extensa ad trahendum post se alios. Ne timeas ergo, homo, submergi in profundo mortis, quia tibi tendit manum qui ascendit ab inferis: Deuteronomii trigesimo tertio : " Ascensor caeli auxiliator tuus". Ipse enim est, qui extendit manum Petro ad erigendum de mari, cum coepisset mergi, Matthaei decimo quarto.

5. In ascensione ascendit ante nos ad hospitium praeparandum; Ioannis decimo quarto : " Vado vobis parare locum, et si abiero et praeparavero vobis, locum, iterum venio et accipiam vos ad me ipsum"; et ad Ephesios quarto: "Ascendit super omnes caelos, ut adimpleret omnia a. Tunc autem adimplebuntur omnia, quando recipiet suos in aeterna tabernacula, "indicabit nationes et implebit ruinas ". - Sic ergo Christus ascendit in incarnatione ad iter ostendendum, in passione ad iter expediendum, in resurrectione ad manum extendendum, in ascensione ad hospitium praeparandum.