19. De sancta Eugenia,

Ad Missam.

Ingressus.

Ingressa tabernaculi
Locum Dei mirabilis
Martyr constans Eugenia,
Virginitate nobilis,
Exuberat divitiis,
Deliciis, honoribus,
Nunc in supernis residens
Beatis coeli sedibus.

Psalmellus.

Apparens juxta tumulum
Matri dixit Eugenia,
Laetare, gaude gaudio,
Quod nunc tua sum filia
Cum patre tuo conjuge
In beatorum patria
V. Suscipiet te Dominus,
Mater, die dominica
Et dabit tibi Claudiae
Regna coeli magnifica.

In Alleluja.

Eugeniam fortificat
Christus, suam pugnatricem,
Quam per virtutem fidei
Reddidit ipse victricem.

Ante Evangelium.

In monachis humilior
Nullus fuit Eugenia,
Quae se dans cunctis humilem
Prompta praebet obsequia.

Post Evangelium.

Dum oraret Eugenia,
Templum Dianae corruit,
In quo Dei potentia
Mirabilis apparuit.

Offerenda.

Duplicatam martyrii,
Virginitatis hostiam
Recepit Christus hodie
Oblatam per Eugeniam,
Quae nunc habet aureolae
Martyr et virgo gloriam.

Confractio.

Corpus Christi nunc frangitur
Sub vera panis specie,
In nulla tamen scinditur
Parte suae substantiae,
Quod concepit et peperit

Maria, templum gratiae,
Sine jactura qualibet
Virginalis munditiae;
Cum qua reguo perfruitur
Eugenia nunc gloriac.

Transitorium.

De salvatoris manibus
Pane sumpto Eugenia

In carceris reficitur
Tenebrosi custodia.

Aliud Transitorium.
Sumptum nunquam consumitur
Corpus Christi, quod sumitur,
Sed datum semper sufficit,
Comestum nunquam deficit ;
Cum quo gaudet in patria
Virgo martyr Eugenia.