73. De sancta Thecla.

In 1. Vesperis.

Antiphonae.

1. Tecum, Thecla, splendor manet
Et virginitatis lilium,
Quod sponsum serves
Aeterni patris filium.

2. Summam Christi praeelectam

Turrim fortitudinis,
Vocem Pauli in reflexam

Mirae beatitudinis
Audet sequi virgo, viri

Facta velut comparis.

3. Res miranda, fit repente
Fragile corpusculum

Excellenti tam virtute,
Ut ferre possit vasculum

Crucis Christi, quod a morte
Hoc redemit saeculum.

4. Fit virens virga vigens virgo,
Irriga ex praeconio
Summi Christi Pauli missi
Docentis in Iconio.

5. Non terretur sed iam terit
Minas haec proconsulis,
Non exaudit, sed obaudit
Mortalis preces culminis,

In hoc tendit, quod ostendit,
Doctor veri numinis.

Ad Magnificat.

A. Angelorum ordines sancti
Virginumque chori
Omnisque caeli
Turba fidelis
Summis exsultet gaudiis,
Quod hodie

Virgo haec summi regis
Thalami secreta
Meruit constans
Scandere Thecla.

Ad Matutinum.
Invitatorium.

Qui coronat in aeternum
Theclam, regem virginum
Adoremus, collaudemus,
Iam venite, exsultemus.

In 1. Nocturno.
Antiphonae.

1. O quam admirabile

Manet in memoria.
Nomen tuum, Domine,

Huius in victoria
Sanctae Theclae, quam hac die

Coronasti gloria.
2. Tu egressus summo caelo

Mentem eius subintrasti,
Tamquam sponsus vero zelo

Tu cor eius confirmasti,
Ut nec minis nec a telo

Moveatur hominum.

3. Mundo corde, mente ura,
Innocens haec manibus
Sine sorde mundi dura

Sanctis calcans pedibus,
Montem [Dei] Thecla scandit,
Verum ubi Deum cernit
Angelorum sedibus.

Responsoria.

1. Intrat secreta
Repente virginis
Spiritu sancto
Cooperante

Pauli doctrina sancta,
Qua summi numinis
Virginum docet
Corpora laudi,
V. In sancti ergo
Ardorem flaminis
Incipiunt
Viscera claudi
Theclae hac domo
Capta divi hominis
Doctrina sancta.

2. Mens virginea,
Fide purpurea
Rapitur, ecce,
In aethera sursum,
Deserit devia,
Ut tollat praemia
Laudis aeternae
Post vitae cursum.
V. Mater irata
Increpat acta
Acriter item,
Sed virgo rursum.

3. Mira constantia
Pectoris alti,
Mira potentia
Flaminis almi,
Quod nequit homo,
Nec minae valent
Virginis ratum
Pervertere sensum.
V. Non dira vincula,
Non carceris horror
Hanc suo coepto
Solvere valent.
Sed tauta succrescit
Caritas ingens
Tantaque fide
Viscera calent.

In 2. Nocturno.
Antiphonae.

1. Diffusa est in labiis
Huius almae virginis

Spiritus sancti gratia,
Quam a domibus eburneis
Praeclarum nomen martyris
Evexit in caelestia.

2. Adiuvit Theclam Dominus
Mane diluculo,
Quam triumphantem fortius
Transmisit ex hoc saeculo.

3. Sprevit minas et dolores
Virgo Thecla iudicum,
Quod videntes admirati,
Conturbati et commoti
Sunt in spiritu cordium.

Responsoria.

1. Inter flammas iudicata
Collaudabat Dominum
Sancta virgo immutata
Aetenium spectans prae-
mium,
V. Ibat virgo laeta fronte
Mortis in exsilium,
Non expavens, sed contemnens
Iudicis supplicium.

2. Orante Paulo inter flammas
Fit illaesa Domino
Laudes agens et exsultans
Dulci canens cantico,
V. Ignis cedit, turba fugit,
Virgo manet et profudit
Preces coram Domino.

3. Circumtonsa caput optimum
Sequitur ministra Paulum
Non pavefacta virgo
Virilem sumere togam,

V. Certanti se contra manus
Iniecit triumphata viro,
Virgineum custodire pectus,
Obiecit ausa
sese pudica tyranno.

In 3. Nocturno.

Antiphonae.

1. Adoremus Dominum
In sancto eius atrio,
In honore et gloria
Qui tropaea virginum
Exsultans in martyrio
Iudicat in saecula,

2. Deus noster qui conservat
Sanctum corpus humile,

In hostes Theclae qui decertat
Ad triumphum nobile

Exsultet terra, canat, plaudat,
Et Iactentur insulae.

3. Almam Theclam dextra Dei
Et sanctum eius brachium
Salvam fecit, qui dedit ei
Suorum palmam bostium.

Responsoria.

1. O admirabilis potentia

Summi regis gloriae,
Qui in sexus impotentia

Triumphum dat victoriae,
Fides lucis Theclae dulcis

Vincit saevam rabiem
Leaenae trucis, signum cr ucis

Donat ei requiem,
V. Fit immota virgo tota,

A tauris haec immanibus
Non offensa, sed defensa

Fuit a faucibus.

2. Consummatur res miranda

Sexu in hoc fragili,.
Dei virtus, quod horrenda

Monstra sprevit saeculi,
Qui decepit matrem primam,

Anguis victus virgine
Languet intus, petens imam

Sedem in voragine.
V. Doloratur et tremescit

Victus hostis hominum,
Lamentatur, ingemiscit

His triumphis virginum.

In Laudibus.
Antiphonae.
1. Decorem indutus Dominas
Accinctus est potentia,
Dextris patris caelitus
Sedens in caelestia
Theclae caput exaltavit
Inter sancta gaudia.

2. Collocavit Dominus
Theclam in principibus

Eius sancti gaudii,
Laetis ergo mentibus
Canamus eius populus

Laudes Dei filii.
3. Pax est facta in virtute

Huius almae virginis,
Quae aeternae suae vitae

Sitivit Deum luminis.
4. Deo nostro omnes sancti

Benedicant spiritus,
Qui urbem ab hostibus
Theclae decertantibus

Custodivit Dominus.

5. In te nobis benedicat

Tuis Deus filiis,
Virgo sancta, quae exsultas

Coram ipso gaudiis,
Quo oramus nos perducas

In caelorum gloriis.

Ad Benedictus.

A. Ave, virgo, flos decoris,
Martyr Dei, Thecla, choris

Copulata spirituum
Beatorum, tuae laudi
Qui instamus, nos exaudi,

Ducas nos ad Dominum.

Ad Magnificat.

A. Angelorum in excelsis
Ac sanctorum militum
Chori gaudent, nos in terris

Sanctum epithalamium
Adplaudamus Theclae thoris
Sanctarum sponso virginum.