76. De sancto Theodorici).

In 1. Vesperis.

Antiphonae.

1. Theos unum sic et trinum,
Deum verum condivinum
Hunc laudate per omnia.

2. Oramus cum sacerdote
Theodorico devote
Passo in Antiochia.

3. Deus, ipsum qui respexit,
In patronum hunc transvexit
Ad chorum in Usecia.

4. Ritus Dei nominatus
Sanctus iste comprobatus
In passionis gloria.

5. Custoditor Dei dictus,
Deum sciens est condictus
Hic sanctus Theodoricus.

R. Triumphantem hierarchiam
Hic praesentat per sophiam
In hunc fusam per Messiam,
Dum mens eius per Eliam
Est ad caeli harmoniam;
Regnum mundi abdicavit,
Hymnum Deo decantavit,
Clare dum sic enarravit :
Volo pati, tunc se stravit
Sanctam propter symphoniam ;

V. Albus corde candidatus,
Laetahundus, Deo gratus,
Bonitatis fonte natus
In sanctorum coetum datus.

Ad Magnificat.

A. Magnificat te Dominum
Cor, vox et sensus hominum
In hoc sacrosancto die,
De quo iubilemus pie,
Exsultemus, festum demus
Et in caelum resonemus,
Deo laudem decantemus,
Ut patris huius patria

Det caeli nobis atria,
Unum trinum adoremus.

Ad Matutinum.
Invitatorium.

Templum hoc ingredientes
Deum et recognoscentes
In caelo vitam sentiant.

In 1. Nocturno.
Antiphonae.

1. Beatus vir, qui non abiit
In concilio impiorum,
Hic seminare exiit
Fidem Christi filiorum.

2. Quare fremuerunt gentes,
Quae hunc sanctum accusarunt ?
Reges terrae nam praesentes
Propter fidem condemnarent.

3. Domine, quid multiplicant
Huic sancto insurgentes,
Turbati remultiplicant
Sic in ipsum saevientes.

Responsoria.

1. Virtutibus nobilior,
Nobili virtuosior,
Coruscans est et clarior
In prodigiis et signis,
V. Nobilior, virtute prior
sanctus Theodoricus.
2. Christi fidem praedicavit,
Christi nomen dilatavit,
Cur hunc tortor carceravit
In latebris pessimis ;
V. Laus pia verba Dei

sunt haec sancti Theodorici.

3. Post hoc ipsum fustigarunt,
Caesum virgis reportarunt
Tamquam pravo reclamarent
Morituro in torculo;
V. Gloria donatur

sancto caeli Theodorico.

In 2. Nocturno.

Antiphonae.

1. Cum invocarem super me
Vultus Dei verum lumen,
Transcendit verum tunc in me
Spiritus Domini numen.
2. Verba mea tunc percipit
Deus in excelso caelo,
Dum caro mortem suscipit,
Mors afflicta ensis telo.
3. Domine, Dominus noster,

Christianum praebe scutum,
Qui es conservator noster,
Dona regnum caeli tutum.

Responsoria.

1. Protomaityr Iuliani,
Abdicati Christiani,
Docet fidem Tiposani,
Qui pendet in eculeo.
V. Vincimus iniquum

sic sanctum per Theo-
doricum.

2. Octo pedum ultra vires
Membrorum traxerunt vires,
Nec in hoc amittit vires,
Nam Christus reformat vires ;

V. Exora sancte

pro viribus O Theodorice.

3. Poenas hinc reiteravit,
Ferro carnem laceravit,
Ardens lampas tormentavit,
Nam se signat signo crucis ;

V. De poenis sancto

salvemur cum Theodorico.

In 3. Nocturno.

Antiphonae.

1. In Domino confisus sum
Ex toto Christi fidelis,
Quando poenis affixus sum
Reponendo spem in caelis.

2. Domine, quis habitabit
Tuis in tabernaculis?
Is, qui terris resonabit
Coruscando miraculis.

3. Domine, in virtutibus

Divinis triumphaveram,
Propriis quando nutibus
Tormentis me submiseranm.

Responsoria.

1. Tortores, qui in tormentis
Hunc viderunt sanctae mentis,
In sorte conversae gentis
Praedecedunt in gurgite,
V. Christo conversi

sic mersi sub fide Christi.

2. Praedicabat imprecando,
Immo verum prophetando
Malum finem vitae fando
Binis istis apostatis ;
V. Imprecor hunc finem,

sanctus ait Theodoricus.

3. Se conspiciens devictum
Occidit per ensis ictum
Sanctum corpus praeconstric-
tum
Iulianus ad ultimum;
V. Est martyr victor,

male victus erat ibi tortor.

In Laudibus.

Antiphonae.

1. Laudes demus Iesu Christo,
Nam caelum pro sancto isto
Paravit Antiochia.

2. Iubilum dat omnis orbis,
Nam bis mundavit a morbis
Quam plures in Usecia.

3. Deus in isto laudatur
Et laus eius adprobatur
Per fideles in Graecia.

4. Benedicta decantatur
Huius laus et hymnizatur
Devotis in Francia.

5. Laudate Deum caelorum
Et intrate laudis chorum
Vos de lingua Occitana.

Ad Benedictus.

A. Benedictus est Israel
In hoc summo Beseleel,
Qui praepes est ut Azael
Ad caelestem Ierusalem.

In 2. Vesperis.
Ad Magnificat.

A. Magnificemus hodie.
Collaudemus cotidie
Unum trinum, summum bonum,
Sancti Theodorici donum,
Per quod sanctus est formatus,
In caelo canonizatus;
Uni trino supplicamus,
Ut cum hoc sancto vivamus,
In huius doni gaudio
Cum sanctorum tripudio ;
Laus uni trino Domino.