Congregatio pro Doctrina Fidei 503

tamen adest oppositio, cum utrumque ex Dei mirabili dispositione proce-

dat ».50 Itaque tali incepto neque quis privatur iure neque responsabilitate

dispensatur plene proclamandi catholicam fidem ceteris christianis, qui libere

parati sint ad eam suscipiendam.

Ratio huiusmodi postulat natura sua ne adhibeantur cuiuslibet generis

sollicitationes: « In fide autem religiosa disseminanda et in usibus inducendis

abstinendum semper est ab omni actionis genere, quod coercitionem vel sua-

sionem inhonestam aut minus rectam sapere videatur, praesertim quando de

rudioribus vel de egenis agitur ».51 Testimonium quod veritati est exhibendum

non intendit quidpiam neque vi neque actione coercitiva neque artificiis

Evangelio indignis imponere. Gratuitum est ipsum caritatis exercitium.52

Amor et testimonium veritatis hunc habent finem ut homines ad Christum

Dominum confitendum convertantur, imprimis virtute verbi Dei (cfr 1 Cor 2,

3-5; 1 Thess 2, 3-5).53 Christiana missio in virtute consistit Spiritus Sancti et

ipsius veritatis quae proclamatur.

V. Conclusio

13. Ecclesiae evangelizationis navitas numquam deficiet, quia numquam

deerit praesentia Domini Iesu in virtute Spiritus Sancti, quia Ipse promisit:

« Et ecce ego vobiscum sum omnibus diebus usque ad consummationem sae-

culi » (Mt 28, 20). Hodierni relativismi et irenismi de religione nullas praebent

rationes probandas ut hoc officium, una gravis sed suavis, neglegatur, quod

est naturae ipsius Ecclesiae, eiusque est munus potissimum.54 « Caritas Christi

urget nos » (2 Cor 5, 14): hoc testatur vita multitudinum fidelium, qui amore

Iesu impulsi, per omnem historiae decursum, aggressi sunt multiplicia et

varia incepta et opera ad Evangelium nuntiandum mundo universo cunctis-

que spatiis humanae consortionis, veluti monere vellent atque invitare per

saecula omnes christianorum progenies ad mandatum Christi generoso corde

50 Concilium Oecumenicum Vaticanum II, Decretum de oecumenismo Unitatis redintegratio,

n. 4. 51 Concilium Oecumenicum Vaticanum II, Declaratio de libertate religiosa Dignitatis huma-

nae, n. 4. 52 Cfr Benedictus XVI, Litterae encyclicae Deus caritas est, 25 Decembris 2005, n. 31 c:

AAS 98 (2006), 245. 53 Cfr Concilium Oecumenicum Vaticanum II, Declaratio de libertate religiosa Dignitatis

humanae, n. 11. 54 Benedictus XVI, Sermo in Basilica Sancti Pauli, Ostiensi in via, 7 Maii 2005: AAS 97

(2005), 745.