82. De sancto Trudberto.

In 1. Vesperis.
Ad Magnificat.

O flos caelestis,

o Christi splendide testis,
Qui vernas roseo

per sidera celsa tropaeo,
Annue servorum

precibus, Trudberte, tuorum,
Ut nos, qui totis

colimus tua gaudia votis,
Ores in saeculum

gaudere per aethera tecum.

Ad Matutinum.
Invitatorium.

Laudibus insomnes

vigilemus alacriter omnes,
Dulci dulcisono

modulantes ore Trudberto.

In 1. Nocturno.
Antiphonae.

1. Ut fructum daret (in) tempore,
Vir alto natus genere
Patrem liquit cum patria,
Caeli requirens atria.

2. Non meditans inania
Trudbertus ex Hibernia
Cum fratre Romam exsulat
Et dona Dei postulat.

3. Cum clamavit (hic) adDominum,
(Ex) audivit factor hominum
Et pios fratres edocet,
Ubi se quisque collocet.

4. Non quaerit hic mendacium,
Sed iuxta Rheni fluvium
Desertum vallis eligit,
Otpertus ipsum colligit.

5. Hic mane miles astitit
Deo, sed hostis obstitit,
Per sanctitatis aemulos
Movendo zeli stimulos.

6. Securi caesus gloria
Coronatur, victoria
Per homicidas claruit,
Quorum pes fuga caruit.

7. Qui rectum sagittaverant
Obscuroque peremerant,
In hos sagittae redeunt,
Dum Iudae more pereunt.

Responsoria.

1. Sanctus iste tuo, Christe,
Firmatus iuvamine,

Domum fines et affines
Contempsit mentis culmine,
V. Ut Abraham egressus est,

Quo monstrasti, ingressus est.
2. Apostolorum limina

In Roma, mundi domina,

Visitavit humiliter

Plorans et orans largiter;
V. Quod dictavit devotio,

Impetravit oratio.

3. Trudbertus Roma veniens
Et Otpertum inveniens
Secus Numagum fluvium
Primum locat hospitium,
V. Haec requies, quam elegit,
Vitae cursum hic peregit.
4. Quanta fulget

Trudbertus gloria
Hoc in mundo

caelique curia,
Sanitatum

probat frequentia:
V. Lepram mundat,
fugat daenionia,
Aegris eius
subvenit gratia.

In 2. Nocturno.
Antiphonae.

1. In Dei tabernacula
Hic scandit sine macula,

De valle montem Domini,
Quam suo sacrat nomini.

2. Praeventus in dulcedine
Non laesus est putredine,
Et dum iam plures habuit
Mortis dies, non tabuit.

3. Deum in omni tempore
Benedicens a funere
Tot annis tabo vacuit
Et integer apparuit.

4. A timore inimici

Factus martyr est ereptus,
Dum in exitu felici
Regnum caeli est adeptus.

5. Multiplicans genimina
Virtutum caeli limina
Petivit laete germinans
Et victor pugnam terminans.

6. Palma florere clarius
Trudbertum caelo verius
Ordo virtutum praedicat,
Tot languidis dum medicat.

Responsoria.

1. Otpertus Dei famulum
Videns in Deo sedulum,
Sex viros eius proprio
Mancipavit obsequio ;
V. Dat et vallem continuo
Possidendam perpetuo.

2. Protrahebat continua
In vesperum ieiunia,
Aqua, pane post vesperum
Corpus alebat tenerum ;

V. Beati qui esuriunt
Iustitiam et sitiunt.

3. Pietatis sectatores

Plures habent derisores,
Dei cultor hoc Trudbertus
In famulis est expertus;

V. Dormientem occiderunt
Et martyrem effecerunt.

4. Vir plenus fortitudine
Agni lavit in sanguine

Stolam beatitatis
Maityribus cum beatis;
V. Beati eius oculi,

Qui vident regem saeculi.

In 3. Nocturno.
Ad Cantica.

A. Martyr Trudberte,

Christi miseratio per te
Nos a peccatis

solvat iungatque beatis.

Responsoria.

1. Agricola vitis, pater,
Palmitis est vitis mater;
Vera vitis Iesus Christus,
Palmes eius est Trudbertus ;
V. Hic est, qui fert fructum
multum,
Preces eius valent multum.
2. Vitis vitae sacer Christus,
Palmes eius est Trudbertus,
Per hunc in te maneamus,
Cuius festa celebramus ;
V. Ipse martyr et confessor
Sit pro nobis intercessor.

3. Ut plas ferat

fructum Christicola,
Purgat eum

pater agricola;
Sic Trudbertus,

confessor antea,
Fructum tulit

martyris postea;
V. Confessio

ferens martyrium
Duplicavit

talentum creditum.

4. Verae vitis palmes mitis,
O Trudberte martyr, per te
Palmes virens sit et florens,
Sit beatum fructum ferens,

V. Sit in vite vera manens,

Summae vitae cantum canens.

In Laudibus.
Antiphonae.

1. Unanimes totis

celebrantes gaudia votis
Festa patris tanti
studio veneremur ovanti.

2. Qui post emeritae

certamina fortia vitae
Martyrii palmam

victor tulit inclitus almam.

3. Quem mox pompa meli
victricis in ardua caeli
A rege Christo

praelata die vehit isto.

4. Nunc inter superos

gaudet fortissimus heros,
Nobile purpurei

gestans insigne tropaei.

5. Martyr Trudberte,

Christi miseratio per te
Nos a peccatis

solvat iungatque beatis.

Ad Benedictus.

A. Vitis, Christe, verax,

vitae plantatio ferax,
In qua Trudbertus

quasi palmes abundat refer-
tus,
Protulit electum

rutilante sanguine fructum,
Nobis propitius

concede precatibus eius,
Ne vacui fructu

damnemur perpete luctu.

In 2. Vesperis.

Ad Magnificat.

A. O margaritam

pretiosa morte politam,
Suave rubens gemma,

flos dulcis, amabile stemma,
O sacer, o care

Christo Trudberte, precare
Nobis divinae

pietatis opem sine fine.