84. De sancta Ursula.

In 1. Vesperis.
Antiphonae.

1. O Christi pietas,
Quae virgines sacras
Armat, pro te pati

possint ut milites armati.

2. O Christi sapientia,
In sanctis patientia
Mira, virgines carae
sequuntur te caritate.
3. O Christi bonitas,
Tuorum mira suavitas,
Virgines inermes

duras patiuntur sagittas.

4. .O Christi amor, virgines
Claritate amabiles,
Pro te patiuntur

persecutorum ense plectun-
tur.

5. O Christi merces

Virginumque tuarum spes,
Corona paratur,

dum omnes martyrizantur.

R. O Christi miranda
Mira miracula,
Divae virgines iunguntur,
Pro te, Christe, patiuntur,
Fide sociatae,

Coloniae martyrizatae,
V. Ab huius possessa

daemonum cultura perpessa.

Ad Magnificat.

A. ''O quam gloriosa est, Domine,
societas in regno caelorum,
dum epulantes gaudent con-
vivae sine [fine] in mensa tua
super frumento, vino et oleo
nec ula esurient.''

Ad Matutinum.
Invitatorium.

Virginum sacrarum

Adoremus Christum

Regem regum.

In 1. Nocturno.
Antiphonae.

1. Viam iustorum

Dominus plantavit suorum,
Dum iuxta aquarum

vincit Ursula frenum poe-
narum.

2. Praeceptum Domini

praedicantes ac mandatum,
Romam venientes
papam visitarunt.

3. Dominus has virgines
mire ditavit.
Ad stadium caelorum
lenissime has vocavit.

Responsoria.
1. Ursula praeclara

tu nasceris ex alta Sara,
Unda saera[ta]

cum esses purificata,
Idolis spretis

lactaris iam cum beatis,
V. Dei tu cella

mellis, vinea, rubea stella.
2. Ursula speciosa,

tu sponso vernula rosa,
Sequeris [Christum]

miserum spernens mundum
istum
V. Oleo retento,

apud sponsum nostri me-
mento.

3. Ursula benigna,

virginum flos, suscipe, digna,
Preces tuorum,

iunge sociis supernorum,
Cum quibus laetaris

semper et in aevo beatis ;

V. Ad limina sanctorum

ducunt agmina virginum
chorum.

In 2. Nocturno.
Antiphonae.

1. Voluntate bona

protectae luminis scuto
Iuste coronantur

positae nunc in loco tuto.
2. In universa terra

merita sanctorum pretiosa,
In Rheno trucidatae
gaudent nunc laureatae.
3. De habitaculis iustorum

hae sanctae virgines lac-
tantur,
Sanguine Coloniae
fuso interficiuntur.

Responsoria.

1. Ursula devota,

sequuntur te agmina tota
Ad papam Urbanum,

regem spernentes profanum,
Christo ut iungantur,

apostolos visitare conantur,
V. Quia sic altissimo

[Domino] placuit Deo nostro.
2. Ursula, tu mitis

dulcis et es Sunamitis,
In cella Christi

sedem tuam posuisti,
Illuc duc servientes

tibi mundoque gementes,
V. Ut tecum Colonia

quiescamus patria sancta.
3. Ursula regina,

te laudant agmina trina
Martyrum, confessorum
ac virginum sacra[ta]rum,
V. Caelo quos iungis,

ubi cantant carmina laudis.

In 3. Nocturno.
Antiphonae.
1. Ursula columba,

cum angelis tunc laetaris,
Meritis gloriosa
caelo coronaris.
2. Regis gloriae

portas tu introisti,
Hostem et mundum
cum carne vicisti.
3. Omnes in Domino

laetamini recti corde,
Quorum peccata

deleta sunt cum sorde.

Responsoria.
1. Ursula mansueta

ducitur ad victimam laeta,
Ut nec praeceptis

regis alliciatur ac minis,
Morte dira [bona]

Christi consequitur dona;
V. Et victima Christi

mundum hunc supera[vi]sti.
2. Ursula beata

duc nos [quoque] ad dona
grata,
Quo sponso tuta

inniteris ut columba
Corpore vulnerato

martyrio consummato,
V. Sis nobis, sponsa,

pia ad sponsum advocata.
3. Ursula laetabunda,

nostra tu gemebunda
Tolle et absterge

ac vincula nostra dele,
Ut liberi a peccatis

regno sociemur claritatis,
Y. Ubi [ninc] gaudes,

cum sponso organis plaudes.

In Laudibus.
Antiphouae.
1. Ursulam decore

induit Dominus et honore,

Sponsam dum pavit
fide cinctam et ornavit.
2. In laetitia Domino

omnes fideles servite,

Cuius conspectu

dicunt omnes: iubilate.

3. Ad Dominum vigiles

cuncti convertite mentes,
Ursulam vigilem

voce cordis implorantes.
4. Omnia opera

Domino tunc benedixerunt,
Virginum spiritus

caeli dum susceperunt.

5. Deum in caelis

laudet mens fidelis,
Christus quia Ursulam
suam coronavit sponsam.

Ad Benedictus.

A. Ursula, lucens salus,

miserorum a turbine mundi
Libera servos

tuorum, oleo effuso
Sequeris digne

sponsum virginibus cum
sacris,
Contemnens mundum istum,
Nobis miserrimis

in valle lacrimarum
Fove precibus

numeroque ancillarum.

In 2. Vesperis.
Antiphonae.

1. Ursula in sanctorum

locata splendore iustorum
Cum suis plaudet,

angelorum choro gaudet.
2. Generatio rectorum

benedicetur, Christe, tuorum,
Ursulam recto corde

reperis quoniam sine sorde.

3. Cum exsultatione
venient iubilando
Hae sacrae virgines
pro bonis supplicando.

4. Iustae tuo nomini,

Domine, confitebuntur,
Cum tuo vultu
gaudent et laetabuntur.

5. Filiae Sion

hodie Dominum laudabant,
Canticum novum
sonoris hymnis cantabant.

Ad Magnificat.

A. Ursula summi regis

filia decora,
Suavis et mitis,

praeclara et honesta,
Peccatis foedati

te supplices exoramus,
Mundo quoque pigri

laudes tibi canamus,
Christo ut iungas,

in mari (mundi) periclitatos
Ad tuas excubias

ducas cum beatis.