87. De sancta Ursula.

In 1. Vesperis.

Super Psalmos.

A. Laudate, puellae, Dominum,
Collaudate, omnes populi,
Anima, compone iubilum
Psalmi boni, laetum cantici,
Lauda Ierusalem optimum,
Assunt magni festa gaudii.

Ad Magnificat.

A. Cum sancta matre virgine
Sacra plaude, Ursula,

Et tecum tuae sociae,
Spiritu et anima

Magnificate sapide
Dominum per saecula.

Ad Matutinum.

Invitatorium.

Agnum, sponsum virginum,
Adoremus Dominum,
Iesum Christum floridum.

In 1. Nocturno.

Antiphouae.

1. Ex ore sacro virginum

Iesu nomen praedicatur,
Et exemplo demonstratur,
Quod Dominus est omnium.
2. Caelo caeli puriores

Divinam laudem nuntiant,
Dum hi per orbem rutilant
Cum Ursula splendores.

3. Haec casta generatio

Pie Dominum requirit,
Montem caelicum acquirit
Sed magno cum solacio.

Eesponsoria.

1. Ortum ducens regium
Nata baptizatur,
Dei per praesagium

Ursula vocatur,
Quia magna virium
Iam praevidebatur;
V. Eva mater procreatur,
Viro suo praesentatur
Atque virago vocatur.
2. Venustas pulchra Ursulae
Diffunditur per climata,
[Filius] Regis Angliae

Requirit haec coniugia,
Sed florem pudicitiae
Servat habens iocalia;
V. Pulchra nimis adamatur,
Sera cum peregrinatur,
Viri domum transportatur.

3. Maestum patrem consolatur

Virgo prudens Ursula,
Regis voto annuatur,

Simulat sponsalia,
Non terrena [haec] causatur,

[Sed] diva per saecula;
V. Rebecca tradit poculum

Viro et iumentis
Paratque hospitium

Et lenit blandimentis.

In 2. Nocturno.
Antiphonae.

1. Dextram tenuit regina
Spreta vanitate,
Ardens [flamma] Cherubina
Plena varietate.
2. Impetus per fluminum
Ducit turmam virginum,
Trahit ad spectaculum
Laetum coetum omnium.

3. Iactavit fundamenta
In monte deitatis
Sprevitque fomenta
Babylonis civitatis.

Responsoria.

1. Aetherea aethereum
Iubet baptizari
Et turbam multam virginum

Poscit sibi dari,
At ille subdit animum,
Ut possit copulari;
V. Rachel meruit, amari
Et a viro praedotari,
Decet illum subiugari.
2. Agmen ducit virginum
Caelica regina,
Fingit fugam navium

Bellaque marina,
Est et hoc praeconium
Gloria divina ;
V. Maria pulsat tympanum
Mari transvadato,
Laudisque sonat canticum
Hoste iam prostrato.
3. Sub vexillo angelorum
Cum catena puritatis
Ductrix sancta proeliorum

Hostem sternit sanctitatis,
Haec est palma superorum
Et ruina pravitatis;
V. Bella gentis Iudaeorum
Gerit Debora ducissa,
Stravit agmen iniquorum
Et est facta prophetissa.

In 3. Nocturno.
Antiphonae.

1. Hostias puras tollite,

Virgines, Iesum vocate,
Christo vos sacrificate
Et donum eius colite.
2. O vos terrestres angeli,
Iesum Christum adorate,
En, ad haec estis vocatae
Pro festo Sion gaudii.

3. Immensa mirabilia

Fecit Deus noster magnus,
Trahens sibi nuptas agnus
Florum undecim milia.

Responsoria.

1. Cum sua turba pariter

Ad caput orbis graditur,
Salutis causa capit iter

[Virgo] sicque concluditur,
Pater favet celeriter

Et constans ipsam sequitur ;
V. Hesther regni ad solium
Vadit, ut salvet populum,
Quod pandit per eloquium.
2. Creta turba magnis viris

Ad triumphum pergit sponte,
Ferit hostis modis diris

Statque Ursula in fronte,
Coronatur palmis miris
Cum suis in sancto monte ;
V. Holofernem Iudith fortis
Stravit nece durae mortis
Et laetatur gratae sortis.
3. Gaudeamus exsultantes
Assunt agni nuptiae,
[Sunt] hae sponsae rutilantes

Nunc in regno gloriae,
Iubilemus conclamantes
Canticum laetitiae;
V. Iudas magnus Maccabaeus
Ducit sponsam vir Iudaeus,
Laete qua laudetur Deus.

In Laudibus.
Antiphonae.

1. Qualis est dilectus tuus,
O pulchra mulierum,

Qualis est dilectus Deus?
Et quaeremus tecum verum.

2. Gaudens in Domino,
Ornata monilibus,
Iubilabo animo

Cum sanctis virginibus.

3. Sunt enim virgines,

Agnum quae sequuntur,
Et Deo virgines
Sibi assistuntur.

4. Angeli dominici,
Deo benedicite,
Terrestres nunc, caelici,
Hymnum Iesu dicite.

5. Iuvenes et virgines,
Dominum laudate,
Iuniores et senes,
Canticum dictate.

Ad Benedictus.

A. Benedictus sit Dominus,
Qui visitavit et vocavit
Has virgines ab eminus,

Coronavit et locavit
In pace sibi comminus.

In 2. Vesperis.
Ad Magnificat.

A. Esurientes, Iesu, donis,

Beatam Ursulam [cum]
ceteris
Replens nunc in caelis bonis
Rex virginum, cum angelis,
Participes quarum coronis
Earum simus meritis.