88. De sancta Ursula.

In 1. Vesperis.

Antipbonae.

1. Flores nitent

candore niveo,
Emicantes

ut grata lilia,
Et coruscant

robore roseo,
Pulchre iuncta

gratiae gratia,
Dum ornatae

rore sanguineo
Virginali

veniant munditia.

2. Rex Notus Britanniae
Natam generavit,
Quae se regi gloriae
Voto dedicavit.

3. Agnum sine macula
Virgines laetantes
Sequuntur cum Ursula
Carmen modulantes.

4. Totus delectabilis
Christus et suavis
Amor, quo fit facilis
Labor cursus gravis.

5. Regis amor

decorem virginum
Mundum servat

a labe criminum
Et laborem

mulcet certaminum.

R. In caelesti iam gloria

Sanctissimarum virginum
Fulgent undecim milia,
Quae sertum gerunt ger-
minum,
V. Incorruptae

carnis obsequium
Obtulerunt

atque martyrium.

Ad Magnificat.

A. Fructus novus

intacti uteri
Virginalem

sacravit gratiam,
Ut ablato

vitio veteri
Grato flore

ornet ecclesiam,
Haec Ursulam

angelis inseri
Digne fecit

et turbam sociam.

A d Matutinam.

Imitatorium.

Regem laudemus Dominum
Pro iucunda victoria,

Qui coetum ornat virginum
Binae coronae gloria.

In 1. Nocturno.
Antiphonae.

1. Hortus virens et floridus
Omni redundans gratia,
Coetus virginum candidus
Sequens agni vestigia.
2. Sancta virgo Ursula
Saeculum abegit,
Agnum sine macula
Sponsum praeelegit.
3. Tenens scutum fidei
Cor suum firmavit,
Se regis siderei
Cultui dicavit.

Responsoria.

1. Ad caelestis

sponsi contuitum
Totum levans
Ursula spiritum

Caelibatus

firmat propositum
Omnem mundi

abdicans ambitum,
V. Gaudium saeculi

reputat gemitum
Et laudem populi

ventorum sonitum.

2. Nobilitas

et decor virginis
Sensus mentis

et morum gratia
Diffuderunt

gloriam nominis
Et puellae

grata praeconia.
V. Velox sonat

haec laus in Anglia,
Rex pro nato

petit conubia.

3. Spe concepta

de Dei munere
Audet virgo

patri consulere,
Ut se sponso

spondeat tradere
Pollicenti

se Christum colere;
V. Spondet gratis

mox arto foedere
Regis natus

fidem recipere.

In 2. Nocturno.
Antiphonae.

1. Accessit haec condicio,
Ut puellarum contio
Numeri millenarii
Detur sub spe coniugii.
2. Cuncta libens

iuvenis adnuit,
Ac trieres

pater instituit,
Prout virgo

Ursula voluit.

Dreves, Historiae rhythmicae. VII.

3. Regiones dum undique
Gyrant, concurrunt agmina
Virginum, petunt denique
Apostolorum limina.

Eesponsoria.

1. Inspiratus

papa divinitus
Martyrium

praesciens caelitus,
Factus almi

ductor exercitus,
Praesulatum

reliquit penitus ;
V. Sociatur

his coetus praesulum
Passionis

sumpturus titulum.

2. Vadit sic Christo praevio
Totus coetus Coloniam,
Ubi constanti proelio
Coronae cepit gloriam ;
V. Iugum sprevit

sponsa coniugii,
Caelum scandens
cursu martyrii.
3. Rex caelestis admonuit
Regis Anglorum filium,
Sponsas, quam prius voluit,
Ne requirat coniugium,
Ut post hanc pergat, docuit,
Perfecturus martyrium ;
V. Gratus pergit
et voluntarius
Sponsus Christo
parere promptius.

In 3. Nocturno.
Antiphonae.

1. Iuvenis beatus,

Qui nuptiis spretis
A Christo vocatus

Iunctus est athletis.
2. Novo bello Ursula

Superavit mundum,

Blandi calcans vincula
Spernens furibundum.
3. Iugum cum incredulo
Respuit subire
Meruitque iaculo
Felix interire.

Responaoria.

1. Bonum egit

certamen Ursula,
Quae contempsit

mundi fastigium,
Nulla prorsus

sensit piacula,
Pro virtute

sumpsit martyrium,
V. Vocans ad caeli praemium

Copiosum consortium.
2. Sanctus vita,

fama clarissimus,
Cyriacus,

pastor ecclesiae,
Nutu Dei

gregem, quem colimus,
Dux ad urbem

duxit Coloniae;
V. Sacer quoque

cuneus praesulum
Est adiunctus

ad laudis cumulum.
3. In supernis fulget cboris

Sacrarum coetus virginum,
Deo psallens cunctis horis,

Quarum dulcedo carminum
Sanctis competit decoris,

Ignaris labis criminum ;
V. Tota gaudet haec contio

In almae matris laudibus,
Cuius est nupta filio

Et decorata dotibus.

In Laudibus.
Antiphonae.

1. Haec est laeta festivitas,
Qua decorem ecclesiae

Auget virginum claritas,
Splendens fulgore gloriae.

2. Ornatus egregius,
Candor virginalis,
Quem decorat gratius
Cruor triumphalis.

3. Nova haec militia,
Qua infirmus sexus
Forti patientia

Vicit mundi nexus.

4. Oleum virginibus
Sacris abundavit,
Nuptiis regalibus
Ipsas sociavit.

5. Regnant beata agmina
Virginum in caelis,
Quae vicerunt certamina
Saeculi crudelis.

Ad Benedictus.

A. Sacris totus

orbis virginibus
Laetus psallat

undecim milibus,
Quas Ursula

miris virtutibus
Christo fecit

subditas laudibus.

In 2. Vesperis.

Ad Magnificat.

A. Ad honorem virginum

Cantet plebs fidelis,
Instans apud Dominum,

Ut horum tutelis
A cunctis nos criminum

Mundet corruptelis
Et post vitae terminum

Coronet in caelis.