90. De sancta Ursnla.

In 1. Vesperis.
AntipLonae.

1. Nova bella virginum

Dominus elegit,
Ab extremis hominum

Quas sibi collegit.
2. Pugnant sexu fragiles

Caelitus imbutae,
Sed insuperabiles

Fidei virtute.
3. Beata militia,

Quae pro rege gloriae

De mundi malitia
Triumphavit hodie.
4. Non armis sed animis
Istas bellatrices
Effecit unanimis
Gratia victrices.
5. Fortiores hostibus
Feminae fuerant,
Quae contemptis omnibus
Omnia vicerunt.
R. O beata virginum
Turma, quam divina
Illustravit gratia,

O olvvae semper vivae,
Profluentes clementia,

Facite nos vere et sincere
Laudes vestras prosequi,

Ut post mortem sanctam sortem
Mereamur assequi.
V. Agite, o benignae,

Quod precamur,

Ut gaudere mereamur

In aeterna laetitia.

Ad Magnificat.
A. O flos campi

Et lilium convallium,
Iesu Christe, qui es sponsus
Et amator virginum,
Quam iucundum interesse
Semper tui conspectui,
Quem laudantes prosequuntur
Virginales cunei,
Ubi dulcis resonat melodia,
Virgo Ursula

simul cum Tamaria
Fequenter ingeminant:
Tibi, Christe, sit laus et gloria.

Ad Matutinum.
Invitatorium.

Ecce, nocte media

Factus est clamor:
Venit sponsi gratia,

Virginum amor,
Invitans filias
Secum ad nuptias,

Exite obviam

Ei ad gloriam.

In 1. Nocturno.
Antiphonae.

1. Tuo, Deus, nomine,

Quod est admirabile,
Sacrae promunt virgines
Melos ineffabile.

2. Harum voces audiuntur,
Quando Dei gloriam

Admirantur et loquuntur
Post belli victoriam.

3. Haec est generatio,

Quam virtutum Dominus
In caeli palatio

Summis iunxit civibus.

Responsoria.

1. Deonoto fuit nata

Placens cunctis, Deo grata

Ursula regalis,
Cuius mirae speciei
Plus mirandae fidei
Non erat aequalis;
V. Regi magno pulchra nimis
Desponsatur, dum instatur
Precibus et minis.
2. Virgo desiderium
Habens castitatis
Meditatur et miratur
Rem quasi mysterium
Suae voluntatis,
V. Deo secum disponente,

Quod tractabat firma mente.
3. Gloriosa trinitas,
Virginalis dignitas
In tua fulget gloria
Singulari gratia,
Tibi laus per saecula;
V. Sanctis nos socia,

factor, fautrice Maria.

In 2. Nocturno.

Antiphonae.

1. Hominum prae filiis
Forma speciosum,
Circumsaeptum liliis
Regem generosum,
Regum laudant filiae.

2. Iuste Dei civitas
Est laetificata,
Cum tot sacra milia
Scandunt laureata

Thronum regis gloriae.

3. In aeternum has fundavit
Magnus et laudabilis,
Hora brevi quas prostravit
Tortor exsecrabilis.

Responsoria.

1. Vidit in somnis Dei virgo Ursula
Virum angelicae claritatis
Dicentem sibi: Romam omnes,

Ut vovistis, pervenietis,
Peractis votis huc iterum
Integro numero redietis,

Hic vero in Deo pausabitis.
V. Cervices vestras
Persecutori dabitis
Et per martyrii gloriam

Coronam iustitiae suscipietis.

2. Visionis Ursulae
Caelitus ostensae
Sacramento credulae

Simul inoffensae
Agone percurso confidunt
participes fieri coronae.
V. Caritate vulneratae,

Mori Christo sunt paratae.
3. In vasis suis oleum
Servant, in mentibus,
Dum surgunt nocte media
Electa sponso milia,
Praeelecto ex milibus
Occurrunt cum lampadibus.
V. Duc prece sanctarum

nos ad te, Christe, tuarum.

In 3. Nocturno.
Antiphonae.

1. Terram tuam, Domine,

Semper benedicis,
Quae laetatur hodie

Victis inimicis.
2. Fundamenta virginum

Montibus in sanctis
Collocata gladium

Non timent minantis.
3. Rectis corde gloria,

Iustis lux est orta,

Quarum in victoria
Mors perit absorpta

Responsoria.

1. Verus pudicitiae auctor

et custos virginitatis,
Qui ex virgine natus

multos excitasti
Ad sanctum amorem

castitatis animos,
Qui es perpes

corona virginum,
Per merita

earum nos adiuva.
V. Fons vitae et origo
Totius bonitatis,
Duc nos ad portum salutis.
2. Istae sunt terribiles
Ut castrorum acies

Omnes ordinatae,
Quae tonsarum similes
Ascenderunt sanguinis

Unda dealbatae,
V. Ut columbae lacte lotae,

Sic revera pulchrae totae.
3. Iam triumpho potitae

virgines sanctae
Iam angelorum

choris admixtae,
Quaesumus, ut vestra

intercessione
Locus nobis

non negetur veniae,
V. Quoniam abundat iniquitas,
Iamque refrigescit caritas

Multorum.

In Laudibus.
Antiphonae.

1. Dominus tribuit
his regnum salutis

Et eas induit
Decore virtutis,

Nam est laudabilis

Et sponsus nobilis.

2. Iubilate Deo,

Virgines sacratae,
Et nobis ab eo

Pacem postulate
Et suis ovibus
Pascuam omnibus.
3. Deus, vigilantes

Et in matutinis
Laudes tibi dantes

Sine fine finis
Rege fidelibus
Virginum precibus.
4. Benedicite Deum,

Viri laudabiles,
Et amate eum,

Feminae humiles,
Et in castitate
Vos semper servate.
5. Laudate Dominum,

Caelestes ordines
Et turbae virginum

Et omnes homines,
Ut salvet populum
Per omne saeculum.

Ad Benedictus.

A. Benedictus es, rex gloriae,
Qui palmam victoriae
Dedisti fragilibus
Et sexum sine viribus
Vincere fecisti
Daemonis virtutem ;
Quarum precibus
Pie nobis supplicantibus
Tribuas salutem.

In 2. Vesperis.
Ad Magnificat.

A. O felix Germania,

Tam decoro germine
Virginum ornata,
Beata Colonia,
Pretioso sanguine
Martyrum dicata,
Vere iuste tu laetaris,
Quae thesauro super auro
Nobili ditaris.