92. De sancta Ursula.

In 1. Vesperis.
Super Psalmos.

A. Collaudemus

in sexu fragili
Triumphalis

gratiae meritam,
Veneremur

infirmi vasculi
Tam constantis

virtutis exitum ;
Ortum fini

iungunt mirabili,
Dum attingunt

gloriae terminum
Consequentes

sponsum et Dominum.

Ad Magnificat

A. O admiranda novitas
Inanditae constantiae,

Mundum vincit fragilitas
Dono firmata gratiae,

Tormenta ridet castitas
Amore pudicitiae,

Sic via, vita, veritas

His stolam confert gloriae.

Ad Matutinum.
Initatorium.

Agnum, sponsum virginum,

Omnes adoremus,
Spem, decus humilium

Omnes collaudemus.

In 1. Nocturno.
Antiphonae.

1. Pulchra generatio,

Casta, sancta, pura,

Caritas, devotio

Virginalis cura.
2. Agni rubent sanguine

Puellae candidatae,
Pari certant agmine

Hosti trucidatae.

3. Iesus, doctor, rex et rector
Sacri huius agminis,
Sit his ductor et protector
In campo certaminis.

Responsoria.

1, Chorus floris et odoris

Offerat exenia,
Dum pudoris et amoris

Accendit conubia,
Vota cordis, voces oris

Praebeat ecclesia;
Praeparetur iubilus,
Contempletur animus

Tanti festi gaudia ;
V. Virgines Deo sacratae

Electae cum milibus,
Currunt sponso praeparatae

Accensis luminibus.
2. Christus Iesus,

amor, lex puritatis,
Dum descendit

nostris in terminis,
Unam quaerit,

et offeruntur satis
Margaritae

nostris ex nundinis ;
Eius fulget

coronae claritas
Harum saepta

corona luminis.
V. Istas ignit stilla roris,
Et venustat laus candoris

Dei dante gratia.
3. Agno haerent indefesse,
Gaudent se legem implesse;
Hae per poenam carnis pressae,
Cum sic mori sit necesse,
Habent promissum bravium,
Dum tenent Dei filium ;

V. Vident, stupent, admirantur,

Amant, ardent, satiantur

Nec carent esurie.

In 2. Nocturno.
Antiphonae.

1. Summe summi

tu patris unice,
Collegisti

sacro cum agmine,
Quod sacraras

in matre virgine.

2. In amore

tuae dulcedinis
De te, stirpe

mundae propaginis,
Istis fructum

divae pinguedinis
Propinasti.

3. Gaude, sancta

mater ecclesia,
Generantur

tibi sollemnia,
Virginales

choros ex gratia
Praeparatos

cernis in gloria.

Responsoria.

1. Angelorum

acies ordinata,
Laetans exi

obviam puritati,
Tibi praestat

munera candidata
Vita nostra

subdita vanitati,
Sacros flores,

lilia tibi grata,
Quibus sertum

plecte divinitati.
V. Libens ergo suscipe,
Haec aeternae exhibe

Dona veritati.

2. Dantur in mundi devio
Grata lux, iubar inclitum,
Puro gratoque radio
Caeli decorant ambitum ;
O puellare bravium,
O singulare praemium,
Mente, carne purificum,
Florem servando lubricum
Spernunt, tenent angelicum;

V. Quam felix, sancta Ursula,
Harum ductrix et primula.

3. Mundum replens

divino semine
Cultor, sator

nostri confinii
Format, firmat

in puro germine
Flores, fructus

immensi gaudii,
Normam dedit

sacri consilii
Nostrae carnis

tectus sub tegmine,
Homo Deus,

natus ex virgine;
V. Irroravit, fecundavit

Rore, dulcore gratiae,
Centenavit, ampliavit

Sacra fructum in acie.

In 3. Nocturno.
Antiphonae.

1. Hostis carnis et saeculi
Dira potestas vincitur,
In hac pugna mirabili

Corpus, cor, mens erigitur
In lucem, ducem, terminum
Iesum, coronam virginum,
Dulcem sponsum et Dominum.

2. Collaudemus, exaltemus
Iesum in hac victoria,
Qui pro terrenis perituris,
Caducis nilque valituris
Aeterna dedit praemia.

3. O quam dulcis et utilis
Et grata commutatio,
Dum finitur transitio
Aeterna datur mansio.

Responsoria.

1. Genetrix Dei, domina,
Regina caeli curiae,
Te sequuntur tot milia,
Dum virtutum et gratiae
Gratum odorem sentiunt,
In te latentem sitiunt,
Volunt, amant et cupiunt

V. Chorus hic sacer virginum
Fractum tuum uberrimum.

2. Ad caeleste convivium
Christus undena milia,
Purum, sacrum consortium,
Vocat in nocte media;
O quam felix conubium
Et quam felices nuptiae,
O quam immensum gaudium,
Quam beatae Iaetitiae,
Quae carnis carent carie !
V. Felix est aetas tenera
Et puellaris gratia
Donata tanta gloria.
3. Grata, felix

Ursula, Deo cara,
Per maerorum

transis in gaudium,
Tu de vita

poena, luctu amara,
Sponsa Christi,

scandis ad proemium ;
Nos exsules

in valle tenebrosa,
Caecitatis

ductos per devium,
Suspirantes

in voce lacrimosa,
Recollige,

perduc ad bravium ;
V. Tu virginum

choreis es praelata,
Virgo sacra,

Christoque sociata.

In Laudibus.
Antiphonae.

1. Admiretur omnis aetas,

Omne gyrum saeculi
Laudis excedendo metas,

Nam coronis gaudii
Christus exhibendo laetas
Coronat suas athletas

Se dans finem bravii.
2. Rore caeli superfusae

Copia charismatum
Excedunt metas naturae,
Dum praecedunt immaturae

Ad opus tam arduum.
3. Eligendo praeparantur,
Patiendo conquadrantur

Petrae sanctuarii,
Quibus altum et excelsum
Sursum tendens in immensum

Surgit aedificium

Dei sacrificium.

4. Benedictus, qui elegit
In hoc choro et perfecit
Tantum opus gratiae,
Dum per viam puritatis
Simul et asperitatis
Introduxit cum beatis
Has in thronum gloriae.
5. Quia, virgo Ursula,
Praemiaris exaltata
Cum choris virgineis,
Nobis opta sedula
Praemia desiderata
Sedibus aethereis,

Prorsus nostris terminis
Umbram pelle criminis.

Ad Benedictus.

A. Eadio, quo decorantur

Fidei et gratiae,
Speciali roborantur

Virtute constantiae,
Spretis minis et promissis,
Blandimentis non admissis
Voce, voto,
Corde toto

Haerent regi gloriae,

Sponso pudicitiae.

In 2. Vesperis.

Ad Magnificat.

A. Istas iungit,

unit, vincit in gratiam
Dulcor, amor,

ardor superni decoris
Pulcher, purus

zelus interni viroris
Has athletas

scribit cives in patriam,
Istas vocat

trahit, vehit ad gloriam
Iesus Christus,

lux, dux aeterni splendoris,
Ubi pressis

in ista valle maeroris
Obtineant

eius misericordiam.