96. De sancto Victorino.

In 1. Vesperis.
Ad Magnificat.
A. Dum ad aram Deo coram,
Sancte praesul, steteris,

Ora regem, iuva gregem.

Fer medelam miseris,
Qui te colunt vincti liga,

Gravi peccatorum,

Nempe nexum tam perplexum,
Fer regna ad caelorum,

Ut astare ad altare
Possimus totum aureum,

Funde precem, pelle necem,
Pro nobis ora Deum.

Ad Matutinum.
Invitatorium.

Regi summo gloria

Invicte et honor detur,

Qui sanctos in victoria
Hic iuvat et tuetur.

In 1. Nocturno.
Antiphonae.

1. Legem Dei meditatur
Puro corde iugiter,
Ut lignum virens complantatur,
Fert vitae fructum dulciter.

2. Astiterunt Victorino

Praesul, clerus et populi,
Laudem uni Deo trino
Solvunt in prece seduli.
3. Tu susceptor es victorum,
Invicte agens proelia,
Post temptamen vitiorum
Fer robur et auxilia.

Responsoria.

1. Hic non surda capit aure
Sacra evangelia:
Si vis perfectus esse,

Me sequens vende omnia,
Genti Deus sic prodesse
Docens vult consilia;
V. Super mel et omnia,
Christe, tua eloquia
Dulcescunt ori intus.
2. Qui pro Christo Domino
linquit agros, terram,
Et potente cum hoste
agit duram guerram,

Nam castas ignit mentes,
Qui formosae in aspectu

Temptat vestrum velle,
V. Verbum dulce in affatu

Fraudis repletum felle.

3. Dudum iactus de supernis
In flamma es Averni,
Tamen stratus astu sternis

Pudoris vim interni ;
Blandit iacens resupinus,
Casta non rupit foedera,
V. Sed vir simplex columbinus
Sensus planxit scelera.

In 2. Nocturno.

Antiphonae.

1. Deus sanctos mirificat,
Probat et dignificat

Carnis post certamen,
Exaudit sua gratia
Iustorum sacrificia,

Accepturus dat solamen.
2. Clamorem meum, Domine,
Exaudi et a crimine

Me velis expiare,
Ut corde puro iugiter
Te Iesum amans dulciter

Queam exclamare.
3. Domine, tu praesulem,
Ut tristem firmet exsulem,

Consoletur flentem,
Statuisti provide,
Te colat amans fervide

Sollerter docens mentem.

Responsoria.

1. Iam relictis domo, patre,
Tota suppellectili,
Solo est contentus fratre

Puro, valde humili,
Alternatim obsequentes
Servit alter alteri,
V. Se et suas dicant mentes
Deo voce celeri.

2. Audito evangelio
Christi salutari
Cordis ex desiderio
Coepit aspernari
Mundum cum decore
Et omni blandimento,
V. Eius semper laus in ore
Cum omni documento.
3. Victorinus pio corde
Revolvebat iugiter,
Absque labe, absque sorde
Ut Deum amet digniter,
Quaerit amans in amato
Iesu conformari,
V. Eius lege et mandato
Peroptans sociari.

In 3. Nocturno.
Antiphonae.

1. Confidens praesul Domino
Iustitias dilexit,
Qui vitam sine termino
Dans ipsum caelo vexit.

2. Purus sine macula
Valet introire
Aeterna tabernacula
Deo et servire.
3. Te Lutomysl per saecula
Te, Victor, benedicat,
Tu cleri lucens facula,
En, audi, laudes dicat.

Responsoria.

1. Laudans regem saeculorum
Voce delectabili
Pangit melos canticorum,

Via it mirabili
De virtute in virtutem,
In Sion Deum cernere,
V. Qui operatus est salutem
Ablato mundi scelere.
2. Cupiebat iam dissolvi
Et esse cum Christo,
Clamat clerus, clamat coetus:
Pater beatissime,

Mox absolve Victorinum,
Deus, hunc certissime ;
V. Omni noxa liberatum
Liquit clementissime.

3. Caritatis cumulator

Carpis iam sublimia,
In coetu regni es laudator,

(Melos) tenes vitae bravia;
Pangit hymnos Augustinus,

Tuus consodalis ;
Pro salute servulorum

Devote te colentium
V. Ora, ut sint sortes horum
Cum sortibus sanctorum

Post in aula regia.

In Laudibus.
Antiphonae.

1. Haec cordali gaudio
Festa recolentes
Decore morum vario
Regi nunc canentes.

2. Nunc intemali latria
Deo serviamus,
Ut in caeli patria
Sortem habeamus.
3. Ritu legis obsequendo
Deo vigilabat,
Ante lucem exsurgendo
Ipsum exorabat.
4. Iam sonora mente pura
Victor Deo plaudat,
Quem extollit creatura,
Omnis aetas laudat.
5. Canunt sacra agmina
Concentu melodiae
Laudis modulamina
Tibi, pater pie.

Ad Benedictus.
A. Spectemus nunc magnalia
Divinae maiestatis,
Nam vincula poenalia
Peccatis condonatis
Solvuntur mirabiliter
Igne caelo delapso,

Ruunt astantes pariter

Stante solo lapso,
Quem clemens Dei gratia

Revinctum sic monstravit.
Hunc sacra ad officia

Aptum acclamavit,
Eligens dignum praesulem

Amiterniae urbis ;
Sese subdit humilem

Astantibus cum turbis ;
Sit in aevum benedictus,

Qui visitavit plebem.

In 2. Vesperis.
Ad Magnificat.

A. Audi, praesul digne,

Vota et precamina,
Perduc tecum nos benigne

Ad sanctorum agmina,
Nostrae plebis pastor bonus,

Oves tuas nosce,
Lutomyslensis es patronus

Salutem nobis posce.