100. De una Electa.

In 1. Vesperis.
Ad Magnificat.

A. Laudemus Christum Dominum

In hac sancta famula,
Quae post carnis terminum

Inventa sine macula
Gaudet in regno luminum

Cum Christo in saecula,
Qui solvat mole criminum

Nos eius prece sedula.

Ad Matutinum.
Invibitorium.

Corde et voce Deum
cuncti laudare venite,

Qui dedit aetema
[Hedwigi] gaudia vitae.

In 1. Nocturno.
Antiphonae.

1. In sancta sua famula
Deum admirabilem
Laudemus mente sedula,
Omnibus laudabilem.
2. Ancillae Christi opera
Virtutum narrent aethera,
Caeli gaudent per saecula.

3. [Eedwigis] conversatio
Exstitit angelica,
Cuius nos oratio

Trahat ad regna caelica.

Responsoria.

1. Gaude, sponsa Iesu Christi,
Pro quo terrena sprevisti,
Sed ad Christum pervenisti,
Quem toto corde dilexisti.

V. De valle miseriae

Transisti ad regem gloriae.

2. Salve hostium triumphatrix,
Mundi, carnis superatrix,
Tu clara virtutum operatrix,

V. Salvatoris imitatrix,

Sis nostra pia suffragatrix.

3. Laus tibi Christe, rex amabilis,
Per quem triumphat sexus

fragilis,
Cui contra hostes victoriam
Das et virtutum gratiam.

V. Quia gloria virtutis sanctorum
Tu es, Iesu bone, et merces
eorum.

In 2. Nocturno.
Ad Magnificat.
1. Exaudi nos, Dei famula,
Et duc ad vera gaudia,

Memor esto te laudantium
Tui memorum fidelium.

2. Tu templum sancti spiritus,
Quod illustravit caelitus,
Nobis praeclara domina,
Defer Christi solamina.

3. Mors tua est triumphalis,
Memoria immortalis
Et gloria perennalis.

Responsotia.

1. Quae spretis mundi lubricis
Laetaris in hymnidicis
Choris angelorum canticis,
Audi preces plebis supplicis,
V. Fruens gaudiis caelicis
Et praemiis magnificis.
2. Haec Dei prudens famula
Laudavit usque ad mortem
Dominum mente sedula,
Quam sanctorum fecit con-
sortem ;
V. Translata ab exsilio,

Regnans in caeli solio.
3. Sancti spiritus unctio
Te salutis oleo unxit
Et divino solacio

Te sanctis suis coniunxit,
V. In caelesti hierarchia
Decoratam aeterna gloria.

In 3. Nocturno.

Antiphonae.

1. Omni desiderio

Tendens ad caelestia
Omnis tua actio
Fulsit sanctimonia.

2. Humilium exaltatio
Est Christus et salvatio,
Filia Sion angelica
Audit exsultans cantica.
3. Quae Dominum iugiter
Toto corde dilexit,
Hanc ipse feliciter
Ad aethera provexit.

Responsoria.

1. Thesauro sui sanguinis
Margaritam comparavit,
Hanc Christus et in luminis
Perennis throno locavit,

V. Gratia sacri flaminis

[Hedwigem] sanctificavit.
2. Ave, veneranda domina,
Tu sanctitate eximia
Caeli transcendis limina,
Cum de maerore ad gaudia
Et de labore ad praemia
Translata es caelestia;

V. Perenni gaudes gaudio
Dei corregnans filio.

3. Nobis tua sollemnia
Devote recolentibus
Esto, mater, propitia
Nos tuis iuvans precibus,

V. In hac die laetitiae

Fer nobis donum gratiae.

In Laudibus.
Antiphonae.

1. Induta Dei famula

Virtutum pulchritudine
Regnat cum Christo per sae-
cula
In caelesti lumine.

2. Haec de valle tristitiae
Intrans regnum laetitiae
Regnat cum rege gloriae.
3. Haec ad Christum iugiter
Pervenire sitivit,
Cui vivens feliciter
In sanctitate servivit.
4. Benedicimus Dominum,

Qui [Hedwigem] laudabilem
Post huius vitae terminum
Exaltavit humilem.
5. Senes cum iunioribus

Exaltent nomen Domini,
Qui nos [Hedwigis] precibus
Sanctorum iungat agmini.

Ad Benedictus.

A. Virtutibus decorata

[Hedwigis] Christo servivit,
Caritate inflammata
Iesum sponsum concupivit,
A quo gloria coronata
Caeli gaudium introivit,
Haec nos iuvet prece grata,
Quae cum Christo semper vivit.

In 2. Vesperis.
Ad Magnificat.

A. Ancillam suam humilem,
Rex Christus exaltavit,

Dum post vitam flebilem
In caelo hanc locavit,

Quae nobis placabilem
Deum reddat, quem amavit.