Acta Apostolicae Sedis - Commentarium Officiale824

CONGREGATIO PRO EPISCOPIS

MANAËNSIS et ITACOATIARENSIS

de finium mutatione

DECRETUM

Quo aptius christifidelium pastorali curae consuli possit, Exc.mi PP. Aloi-

sius Soares Vieira, Archiepiscopus Manaënsis, et DD. Carillus Gritti, I.M.C.,

Episcopus Praelatus Itacoatiarensis, unanimo consensu ab Apostolica Sede

expostulaverunt, ut circumscriptionum sibi concreditarum fines aliquantu-

lum immutarentur.

Congregatio pro Episcopis, praehabito favorabili voto Exc.mi P.D. Lau-

rentii Baldisseri, Archiepiscopi titulo Diocletianensis et in Brasilia Apostolici

Nuntii, rata huiusmodi immutationem christifidelium bono profuturam,

vigore specialium facultatum sibi a Summo Pontifice Benedicto, Divina

Providentia PP. XVI, tributarum, oblatis precibus annuendum censuit.

Quapropter, hoc Decreto, perinde valituro ac si Apostolicae sub plumbo

Litterae datae forent, a praelatura territoriali Itacoatiarensi integrum terri-

torium paroeciarum in municipiis vulgo nuncupatis « Rio Preto da Eva » et

« Presidente Figueiredo » distrahit idque archidioecesi Manaënsi assignat, mu-

tatis, hac ratione, utriusque ecclesiasticae circumscriptionis finibus.

Quamobrem documenta et acta praefatarum paroeciarum clericos, fideles

ac bona temporalia respicientia a Curia Itacoatiarensi ad Curiam Manaënsem

transmittantur.

Ad haec perficienda Congregatio pro Episcopis deputat memoratum

Exc.mum Apostolicum Nuntium vel, ipso a sede absente, negotiorum

Sanctae Sedis in Brasilia gestorem, necessarias et opportunas eisdem tribuens

facultates etiam subdelegandi, ad effectum de quo agitur, quemlibet virum

in ecclesiastica dignitate constitutum, onere imposito ad eandem Congrega-