183. (5. ) Ad Descensum Fontis.

(Dubius. )

R Rex sanctorum angelorum, totum mundum adiuva.

1. Ora primum tu pro nobis, virgo mater germinis, Et ministri patris summi, ordines angelici.

2. Supplicate Cbristo regi, coetus apostolici, Supplicetque permagnorum sanguis fusus martyrum.

3. Sancte Galle, pater alme, tuo fac oramine, Quo dignetur his festivis interesse gaudiis

4. Implorate, confessores consonaeque virgines, Quo donetur magnae nobis tempus indulgentiae.

5. Omnes sancti atque iusti, vos precamur cernui, Ut purgetur crimen omne vestro sub oramine.

6. Huius, Christe, rector alme, plebis vota suscipe, Qui plasmasti protoplastum et genus gignentium.

7. Fac interna fontis huius sacratum mysterium, Qui profluxit cum cruore sacro Christi corpore.

8. Mitte sanctum nunc amborum spiritum paraclitun In hanc plebem, quam recentem fons baptismi parturit,

9. Ut laetetur mater sancta tota nunc ecclesia Ex profectu renascentis tantae multitudinis.

10. Praesta, patris atque nati compar sancte spiritus, Ut te solum semper omni diligamus tempore.

Nach Str. 5 schieben HIK ein:

Hermachora, diu optato nos refove gaudio,

Ut colatur haec sancta te praesente ecclesia.