117. (1. ) In Dominica Palmarum.

Ad Processionem.

Gloria, laus et honor tibi sit, rex Christe, redemptor,

Cui puerile decus prompsit Hosanna pium. Israel es tu rex Davidis et inclita proles,

Nomine qui in Domini, rex benedicte, venis. 5 Coetus in excelsis te laudat caelicus omnis

Et mortalis homo et cuncta creata simul. Plebs Hebraea tibi cum palmis obvia venit,

Cum prece, voto, hymnis assumus, ecce, tibi.

Hi tibi passuro solvebant munia laudis,

10 Nos tibi regnanti pangimus, ecce, melos.

Hi placuere tibi, placeat devotio nostra,

Rex pie, rex clemens, cui bona cuncta placent. Fecerat Hebraeos hos gloria sanguinis alti,

Nos facit Hebraeos transitus, ecce, pius. 15 Inclita terrenis transitur ad aethera victis,

Virtus a vitiis nos capit alma tetris. Nequitia simus pueri, virtute vieti,

Quod tenuere patres, da, teneamus iter. Degeneresque patrum ne simus ab arte piorum, 20 Nos tua post illos gratia sancta trahat. Sis pius ascensor, tuus et nos simus asellus,

Tecum nos capiat urbs veneranda Dei. Vestis apostolicae rutilo fulgore tegamur,

Te bene tecta ut ea nostra caterva vehat. 25 Tegmina sive animae sternamus corpora nostra,

Quo per nos semper sit via tuta tibi. Sit pia pro palmae nobis victoria ramis,

Ut tibi victrici sorte canamus ita: Castaque pro ramis salicis praecordia sunto, 30 Nosque operum ducat prata ad amoena viror. Pro ramis oleae pietas, lux dogmaque sancti

Flaminis in nobis sit tibi rite placens. Arbore de legis caedamus dogmata quaedam,

Quis veniendi ad nos sit via tuta tibi. 35 Nostraque sic praesens celebret devotio festum,

Continuo ut valeant annua festa sequi. Urbem ut cum ramis et laudibus imus ad istam,

Celsa poli meritis fac ita adire piis. Hanc in amore tuo collectam respice plebem 40 Suscipe et illius vota precesque libens. Ecce, sacerdotum turbae popularis et aula

Concinit et laudes sexus uterque tibi, Quos habet Andegavis venerabilis ambitus urbis,

Qui pia devota carmina mente canunt, 45 Quam Meduana morans fovet et Liger aureus ornat,

Quam rate cum levi Sarta decora iuvat. Fruge, ope, nundinis pulchris et rebus abundans,

Obsita seu sanctis est bene tota locis. Plebs venit Albini sanctae haec de sede beati 50 Cum voto et ramis carmina digna ferens, Illaque baptistae concurrit ab arce Iohannis

Consocians ramis dicta canora suis. Nec, Martine, cohors tua serior, alme, recurrit

Fertque manu ramos, mente et in ore melos.

55 Turba Saturnini venit his sociata beati,

Quam crux et rami laus et adornat ovans. Et, Petre, cella tuo vocitata e nomine sancto,

Quos quit, ad hoc laudum mittere gestis opus. Sergius et proprios martyr venerandus alumnos 60 Mittit ad officii gesta beata pii.

His tua, Maurili, coniungitur, alme, caterva Et prece, laude, sono sic pia vota canit. Tardior Aniani non currit turba beati, Istas ut laudes rex tibi Christe canat. 65 Plebsque salutiferae procurrit ab aede Mariae, Huc quam transmisit pons, Meduana, tuus. Plebs quoque Germani venit huc de sede beati,

Praesulis eximii pontificisque sui. Scandimus, en, sanctum Michaelis ad atria clivum, 70 Christe, tuus dulcis nos ubi iungit amor. Quo sua pontifici iungatur turba benigno,

A capite et membris laus sonet ista Deo. Hinc pia Mauritii veniamus ad atria sancti,

Quo simul et laudum et vox sonet ista precum. 75 Illic et titulis nos mater colligat una,

Quae caput et specimen istius urbis habet. Nostra ubi nos prex et benedictio praesulis ornet Cum laude ac mittat ad sua quemque loca.