118. (2. ) In die Resurrectionis.

Eia, Camena, libens nunc dicito carmina, quaeso,

Nunc cane, posco, melos, eia, Camena, libens. Festa decora satis nunc mecum promere certa,

Postmodo ut accipias festa decora satis. 5 Carmine dignus inest, pangamus carmina cuncti,

Iste dies rutilus carmine dignus inest. Mors quia victa iacet Christo surgente perempta,

Laetemur cuncti, mors quia victa iacet. Tartara victa iacent Christo visente beatos. 10 Principe devicto tartara victa iacent.

Expulit inde probos, reprobos dimisit ibidem

Calcatoque hoste expulit inde probos. Caelica regna petunt post tartara dira beati,

Erepti a tenebris caelica regna petunt. 15 Verte, Camena, gradum nec taedia fratribus addas;

Hinc te quaeso, cito verte, Camena, gradum. Dicito,, Praesul, ave ", colloque genuque reflexo

Hic et in aeternum dicito "Praesul, ave" !