120. (4. ) In Adventu Regis.

1. 0 pater cleri populique decus, Caesar insigni pietate pollens, Ut fores nostras adeas libenter, Poscimus omnes.

2. O Dei cultor miserorum et altor. 0 pupillorum viduaeque tutor, Summe rex clemens, precibus, rogamus, Annue nostris.

3. Ergo iam tandem precibus rogatus Redde te nostris domibus paratis Et dies laetos habeas in ipsis, Rex benedicte.

4. Te sacerdotum chorus atque cleri Totius multum populique turba, Namque te maior pariterque minor Cernere gestit.

5. Rex, vale, prudens, venerande, salve, Rex, ave nostrum capito, precamur; Poscimus Christum, ut tibi det salutem Poplite flexo.

6. Salvet Albini precibus beati Te, tuam prolem sociamque vitae Sorte felici tibi mancipatam Christus ubique.

7. Post dies saecli subeas tonantis Regna tu felix, habeas quietem Inter electos tribuente Christo Fine perenni.