EPISTOLA I.

Ad universos Christi fideles.

Diligamus Deum et puro corde puraque mente adoremus.

Universis Christianis, religiosis, clericis, laicis, masculis et foeminis, omnibus, qui habitant in universo mundo.

o quam benedicti sunt et beati, qui Deum diligunt et faciunt, sicut Dominus dicit in Evangelio: "Diliges Dominum Deum tuum ex toto corde tuo, ex tota anima tua, et proximum sicut te ipsum. " Diligamus ergo Deum et adoremus eum puro corde et pura mente, quia super omnia hoc quaerens dixit: "Veri adoratores adorabunt Deum Patrem in spiritu et veritate. " Omnes, qui adorant eum, in spiritu veritatis oportet adorare: et bene valete in Domino.