EPISTOLA III.

Ad beatum Antonium de Padua.

Noluit D. Antonius, quantumcunque rogabatur a fratribus, docendi munus obire, nisi obtenta D. Francisci benedictione et licentia. Ecce beati patris responsum.

Charissimo meo fratri Antonio frater Franciscus in Christo salutem.

Placet mihi, quod sanctae Theologiae literas fratribus interpreteris, ita tamen, ut neque in te neque in caeteris (quod vehementer cupio) extinguatur sanctae orationis spiritus juxta regulam, quam profitemur. Vale.