EPISTOLA II.

Ad universos Christi fideles.

Scribendi causa infirmitas, Incarnatio. Pascha. Hostia pro pcccatis nostris in ara crucis oblata. Recipiamus Jesum puro corde et casto corpore, adoremus eum laudesque ei et orationes die noctuque dicamus. Confiteamur peccata nostra, ut digne sumamus carnem ejus et sanguinem. Faciamus insuper dignos poenitentiae fructus, diligamus proximos. Jejunare etiam debemus, ecclesiasticos venerari. Salvamur per Christi verba et sanguinem. De vero religioso et perlecta obedientia. De superiorum erga subditos benignitate. Simus humiles, flui perseveraverint usque ad linem, habitaculum fient Spiritus S. Et erunt filii Patris et sponsae, fratres et matres Jesu Christi. Peccatores a diabolo decepti sunt, caeci sunt; mors eorum miserrima.

Universis Christianis, religiosis, clericis. laicis, tam viris, quam foeminis, omnibus, qui habitant in universo inundo, frater FRANCISCUS, eorum servus et subditus, obsequium cum reverentia, pacem veram de coelo et sinceram in Domino charitatem.

Cum sim servus omnium, omnibus et servire teneor et administrare odorifera verba Domini mei. Unde in mente considerans, quod, cum personaliter propter infirmitatem et debilitatem mei corporis non possim singulos visitare, proposui literis praesentibus nuntiis verba Domini nostri Jesu Christi, qui est Verbum Patris, vobis offerre et verba Spiritus sancii, quae spiritus et vita sunt.

Istud Verbum Patris tam divinum, tam sanctum et gloriosum nuntiavit Pater altissimus de coelo per sanctum Gabrielem archangelum suum, quod et descendit in uterum virginis gloriosae Mariae, ex cuius utero veram suscepit carnem humanitatis fragilitatis nostrae: qui cum dives esset, super omnia voluit ipse in mundo cum beatissima matre sua eligere paupertatem. Prope passionem celebravit pascha cum discipulis suis, et accipiens panem gratias egit et benedixit et fregit dicens: "Accipite et comedite, hoc est corpus meum" et accipiens calicem, dixit: "Hic sanguis meus novi testamenti, qui pro vobis et pro multis effundetur in remissionem peccatorum. "Deinde oravit Patrem dicens: "Pater, si fieri potest, transeat a me calix iste. Et factus est sudor eius, sicut guttae sanguinis decurrentis super terram. Posuit tamen voluntatem suam in voluntate Patris dicens: "Pater, fiat voluntas tua, non sicut ego volo, sed sicut tu vis. " Cuius Patris talis fuit voluntas, ut Filius eius benedictus et gloriosus, quem dedit nobis, et qui natus fuit pro nobis, seipsum per proprium sanguinem suum sacrificium et hostiam in ara crucis offerret, non pro se, per quem facta sunt omnia, sed pro peccatis nostris, "relinquens exemplum nobis, ut sequamur vestigia eius?" Et vult, ut omnes salvemur per eum et recipiamus ipsum puro corde et casto corpore. Sed pauci sunt, qui velint recipere eum et salvi esse per eum, licet eius jugum suave sit et onus leve.

Qui nolunt gustare, quam suavis sit Dominus, et diligunt tenebras magis, quam lucem, nolentes adimplere mandata Dei, maledicti sunt, de quibus dicitur per Prophetam: "Maledicti, qui declinant a mandatis tuis. " Sed e contrario quam benedicti et beati sunt, qui in spiritu et veritate (ut oportet) eum adoranti Dicamus ei laudes et orationes die noctuque dicendo: "Pater noster, qui es in coelis etc. " quia oportet nos semper orare et nunquam deficere.

Debemus siquidem confiteri sacerdoti omnia peccata nostra, ut recipiamus corpus et sanguinem Domini nostri Jesu Christi ob hoc, quod, qui non manducat carnem suam et bibit suum sanguinem, non potest intrare in regnum Dei. Digne tamen unusquisque manducet et bibat, quia "qui indigne manducat, judicium sibi manducat et bibit, non dijudicans corpus Domini. "

Faciamus insuper fructus dignos poenitentiae, diligamus proximos sicut nosmetipsos, et si quis eos non vult amare sicut seipsum, saltem non inferat eis mala, sed faciat bona.

Oui autem potestatem judicii receperunt, judicium cum misericordia semper exerceant, sicut ipsi vellent a Domino misericordiam obtinere, "Judicium enim sine misericordia erit illi, qui non facit misericordiam. " Habeamus itaque charitatem et humilitatem et eleemosynas faciamus, quia ipsae lavant animas nostras a sordibus peccatorum. Homines enim omnia perdunt, quae in hoc mundo relinquunt, secum tamen portant charitatis mercedem et eleemosynas. quas fecerunt, de quibus a Domino consequentur praemium et dignam mercedem.

Debemus jejunare et a vitiis abstinere in omni, quod inducere potest ad peccatum, nec non et a quacunque superfluitate usus. Et etiam catholici ecclesiam visitare frequenter debent, ecclesiasticos venerari et revereri ob eorum officium et administrationem sanctissimi corporis et sanguinis Christi, quod sacrificant et recipiunt et aliis ministrant. Et firmiter sciamus omnes, quod nemo salvari potest, nisi per sancta verba et sanguinem Domini nostri Jesu Christi, quae clerici dicunt, annuntiant et administrant et ipsi soli ministrare debent.

Specialiter aulem religiosi et, qui saeculo renuntiaverunt, tenentur plura et maiora facere et ea dimittere, quibus non est opus, et odio habere corpora nostra cum vitiis et peccatis, quia Dominus dicit in Evangelio: "Omnia mala a corde exeunt, " diligere inimicos nostros et bene facere his, qui nos oderunt, observare praecepta et consilia Redemptoris nostri, nosmetipsos abnegare et corpora nostra ponere sub jugo servitutis et obedientiae. Et nullus tenetur ad obedientiam in eo, ubi committitur delictum vel peccatum, quia tantum ad id venimus, ut salvando animas nostras bonorum operum aliis exempla praebeamus.

Cui autem obedientia impendenda est et commissa, et qui pro maiore habetur, videat, ut minor fiat et aliorum fratrum servus, et in singulos subditos misericordiam operetur, quantam sibi vellet, cum esset subditus. Nec ex delicto fratris irascatur in fratrem, sed omni patientia et humilitate ipsum benigne corrigat, moneat et supportet.

Non simus secundum carnem sapientes atque prudentes, sed simplices, humiles et puri. Et habeamus corpora nostra in opprobrium et despectum, quia omnes per culpam nostram sumus miseri et putridi, sicut Dominus dicit per Prophetam: "Ego autem sum vermis et non homo etc. " Nunquam debemus desiderare esse super alios, sed potius subditi et subjecti omni humanae creaturae propter Deum. Et omnes illi, qui fecerint et perseveraverint usque ad finem, requiescet super eos Spiritus Domini et faciet in eis habitaculum et mansionem, et erunt filii Patris coelestis, cuius opera faciunt, et sunt sponsae, fratres et matres Domini nostri Jesu Christi. Sponsae sumus, quoniam Spiritui sancto conjunguntur fideles animae, fratres sumus Jesu Christi, quando facimus voluntatem Patris, qui in coelis est, matres, quando portamus eum in corde et corpore nostro per amorem et sinceram conscientiam et parturimus eum per sanctam operationem, quae lucere debet aliis in exemplo. O quam gloriosum et magnum, habere in coelis

Patrem! O quam sanctum, Paraclitum pulchrum et amabilem habere sponsum ! O quam sanctum et quantum delectabile, beneplacitum, humile, pacificum, dulce et amabile et super omnia desiderabile, habere talem fratrem, qui posuit animam suam pro ovibus suis, et oravit pro nobis Patrem suum dicens: "Pater, serva eos in nomine tuo, quos dedisti mihi. Pater, omnes, quos dedisti mihi in mundo, tui erant, et tu mihi eos dedisti, et verba, quae dedisti mihi, dedi eis, et ipsi acceperunt et cognoverunt vere, quia a te exivi, et crediderunt, quia tu me misisti. Rogo pro eis, sanctifico meipsum, ut sint sanctificati in unum, sicut et nos sumus. Et volo Pater, ut, ubi ego sum, ibi sit et minister meus, ut videat claritatem in regno meo. "

Ei autem, qui tanta sustinuit pro nobis, tot una contulit et conferet in futurum, omnis creatura, quae est in coelis, terra, mari et in abyssis, reddat laudes Deo, gloriam et honorem et benedictionem: quia ipse virtus est et fortitudo nostra est, qui est solus bonus, solus altissimus, solus omnipotens, admirabilis et gloriosus et solus sanctus, laudabilis et benedictus per infinita saecula saeculorum, amen.

Omnes enim illi, qui non sunt in poenitentia et non recipiunt corpus et sanguinem Domini nostri Jesu Christi, sed operantur vitia et peccata, et qui ambulant post concupiscentiam suam et mala desideria, et non observant, quae promiserunt, et serviunt corporaliter mundo et corporibus, desideriis, curis et solicitudinibus huius saeculi et huius vitae, decepti sunt a diabolo, cuius filii sunt, et eius opera faciunt. Caeci sunt, quia verum lumen non vident, Dominum nostrum Jesum Christum. Sapientiam non habent Spiritus, quia Filium Dei in se non habent, qui est vera sapientia Patris, de quibus dicitur:, "Sapientia eorum devorata est: vident, agnoscunt et sciunt et faciunt mala,

et scienter perdunt animas suas. Videte caeci, decepti ab inimicis vestris, scilicet a carne, mundo et daemone, quia corpori delectabile peccatum et amarum Deo servire, quia cuncta mala a corpore hominum exeunt et procedunt, sicut dicit Dominus in Evangelio. Putatis diu possidere vana huius saeculi, sed decepti estis, quia venient dies et hora, de quibus non cogitatis et nescitis et ignoratis.

Infirmatur corpus, mors appropinquat, veniunt propinqui et amici dicentes: Dispone domui tuae etc. Et ecce uxor eius et filii eius, propinqui et amici se fingunt flere: et respiciens videt eos flentes, et movetur malo motu et cogitando intra se dicit: Ecce animam meam et corpus meum et omnia mea pono in manibus vestris. Vere iste homo est maledictus, qui confidit et exponit animam suam et corpus et omnia sua in talibus manibus. Unde dicit Dominus per Prophetam: Maledictus homo, qui spem "suam ponit in homine. " Et statim faciunt vocare sacerdotem, qui dicit ei: Vis recipere poenitentiam de omnibus peccatis tuis? Respondet: Volo. Vis satisfacere de commissis et his, quae fraudasti et decepisti, de tua substantia? Respondet: Non. Cui sacerdos: Quare non? Respondet: Quia cuncta disposui in inanibus propinquorum. Et tunc incipit perdere loquelam et sic moritur miserrimus. Sed sciant omnes, quod ubicunque et qualitercunque homo moriatur in criminali peccato et sine satisfactione, et potuit satisfacere et non fecit, quod talem daemon recipit et rapit animam suam de corpore suo cum tanta angustia et tribulatione, quantam nemo scire potest, nisi qui patitur illam tribulationem. Et omnia talenta, potestas et scientia, quam putabat habere, auferuntur ab eo, et propinqui et amici, quibus bona tradidit, tollent ea et divident et postea dicent: Maledicta sit anima eius, quia plura poluit dare

nobis et non dedit, et potuit plus acquirere, quani quaesivit, et similia. Corpus comedent vermes, animani corrodent daemones, et sic perdet animam et corpus propter hoc breve saeculum.

Ego frater Franciscus minor servus vester rogo et obsecro in charitate, quae Deus est, et cum voluntate osculandi pedes vestros, quod haec verba et alia Domini nostri Jesu Christi cum humilitate et charitate velitis recipere, operari et observare. Et omnes illi, qui ea benigne recipiunt et intelligunt, ea mittant aliis in exemplum. Si in eis perseveraverint usque ad finem, benedicat eos Pater et Filius et Spiritus Sanctus, amen.