2. In Nativitate Domini.

1 a. De sinu patris verbum emicuit,
Verus Emanuel,
Qui Adam exsulem reposuit
Sede patria
Reddens propria.

1 b. Per prophetas olim nos edocuit
Sicut per Samuel,
Nunc autem relevatos eruit
A miseria
Sola gratia.

2 a. Facit Deus,
Per quod reus

Est salvatus;
Vir Hebraeus
Helisaeus,
Dum sanat reum,
Num salvat eum?

2 b. Nazaraeus,
Hoc est Deus,
Fert reatus;
Manichaeus
Ac Iudaeus
Non idoneum
Sic dicit eum.

3 a. Ut vincatur
De re opinata
Adversarius,
Respondeat,
Aut redeat
Ac vereat-
ur scandalum.

3 b. Audiatur

De virga siccata,

Mirabilius
Quod floreat
Et frondeat
Et proferat
Amigdalum.

4 a. Uterus virginis
Repletus seminis
Caelestis numinis

Tumuit,
Sed est causa
Fructus clausa

Virgaeque fractum habuit.

4 b. Exemplo numinis
Nescia criminis
Deum vi flaminis

Genuit ;
Non fit ansa
Ficti fraus afirmare, quod signum fuit.

5 a. Spiritus caelitus

Micuit,
Sincerus uterus

Maduit
Caelesti rore
Caelo distillante.

5 b. Sol meras et verus
Splenduit,
Dum Deus carneus

Adfuit
Humano more
Manens sicut ante.