291. De sancto Michaele.

1 a. Recolendo Michaelis
Visitantis nos de caelis
Indictam memoriam,

1 b. In confinio Sipontis,
In Gargani parte montis
Celebrem ecclesiam,

2 a. Ad honorem angelorum
Novem ordinum sanctorum
Laetatur ecclesia,

2 b. Ut eorum victis sonis
Nostrae pravitatis thronis
Dulcis sit symphonia.

3 a. Postulemus ergo Christum,
Mittat sanctum chorum istum
Nobis in auxilium,

3 b. Angelos comprovisores,
Archangelos relatores
Donorum caelestium.

4 a. Operemur per mandatum
Virtutum ac potestatum
Tueamur nutibus,

4 b. Principatibus regamur,
Humilibus reprimamur
Dominationibus.

5 a. Habeamus pacem throni,
Cherubim totius boni
Dat intellegentiam,

5 b. Caritate repleamur

Seraphim, ut consequamur
Peccatorum veniam.

6 a. Ordines ergo cunctorum
Simul omnes beatorum
Laudemus spirituum,

6 b. Ut per hos culpae tergantur,
Singulorum dirigantur
Operaque manuum.

7 a. Sic colamus festum horum,
Intersimus ut eorum
Festis in caelestibus.

7 b. Hoc det pater, hoc det natus,
Hoc amborum donet flatus
Devote poscentibus.