3. In Nativitate Domini.

1 a. Redemptori plebs redempta
Et a morte morte dempta
Laudes laeta personet;

1 b. Haec est Deo laus iucunda,
Cum mens casta, caro munda
Et vos vitae consonet.

2 a. Immortalis fit mortalis,
Sempiternus temporalis,
Natus patri coaequalis
Servi formam induens.

2b. Terris caelum inclinavit,
Terram caelo sublimavit,
Cum nos sibi sociavit
Sua non diminuens.

3 a. Est accensa tunc lucerna,
Quando venit lux superna,
Quae illustrat. omnia;

3 b. Domum mentis tunc evertit,
Quando nos ad se convertit
Dei sapientia.

4 a. Est inventa

dragma, quam perdiderat,
Et ad gregem
ovis, quae abierat,
Reportatur,
Cum salvatur
Homo, qui perierat.

4 b. Redivivo

revertenti osculum
Dedit pater,

saginatum vitulum
Tunc mactavit,
Cum salvavit
Iuniorem populum.