1100 Acta Apostolicae Sedis - Commentarium Officiale

4. Raimundus Maria Pérez Sousa, O. Carm., natus est in vico Feás ( Orense) die I mensis Augusti anno MCMIII, professus die XI mensis Decembris anno MCMXXXV.

Etsi minatio persecutionis tunc oriebatur, hi quattuor religiosi nolue- runt coenobium in Montoro deserere. Tempore matutino diei XX mensis Iulii, milites advenerunt coenobium et Carmelitanos accusaverunt de armis thesaurisque absconditis. Quocirca comprehenderunt et detinuerunt eos, simul cum aliis V hominibus, in sacristia ecclesiae Beatae Virginis Mariae de Monte Carmelo. Pater Iosephus Mateos Carballido exercebat ibi minis- terium reconciliationis et consolationis, omnes adhortans ad martyrium cum fide et spe occurrendum. Postridie, die scilicet XXII mensis Iulii, cum advesperasceret, milites reverterunt ad captivos recipiendos. Pater Iosephus interfectus est sclopeto. Pater Eliseus Durán et fratres Iacobus Carretero et Raimundus Pérez secure interempti sunt.

Necati sunt sex alii religiosi ex communitate in Hinojosa del Duque, quam in urbem, die XXVII mensis Iulii anno MCMXXXVI, milites invaserunt ac ingressi sunt coenobium. Missa conventuali oblata, pater Carmelus Maria Moyano fratres suos invitavit ut vestes saeculares induerentur ac in amicorum do- mus fugerent, sed ipsi, confisi in Domino, in coenobio manere maluerunt.

Hi sunt: 5. Iosephus Maria González Delgado, O. Carm., primus mortuus est.

Natus est die XXVI mensis Februarii anno MCMVII in Gabia Grande prope Illiberrim. Vota religiosa nuncupavit die II mensis Iulii anno MCMXXX et ordinatus est sacerdos die XXI mensis Septembris anno MCMXXXV. Necatus est in Pueblo Nuevo prope Cordubam, die XXVII mensis Iulii anno MCMXXXVI.

6. Antonius Maria Martín Povea, O. Carm., natus die XXVII mensis No- vembris anno MDCCCLXXXVII in El Saucejo prope Hispalim, professus die I mensis Augusti anno MCMXXVI. Fuit ostiarius coenobii et, die XIV mensis Augusti anno MCMXXXVI, cum ostium aperuerit militibus, illi eum sclopeto interfecerunt.

7. Petrus Velasco Narbona, postulans, natus die XII mensis Octobris anno MDCCCXCII in oppido Minas de Rio Tinto, prope Onobam. Admissus in com- munitatem in Hinojosa necatus est die XIV mensis Augusti anno MCMXXXVI.

8. Eliseus Maria Camargo Montes, O. Carm., natus Osunae prope His- palim die IV mensis Iunii anno MDCCCLXXXVII, adscriptus inter Carmelitanos anno MCMXVIII et, anno insequente, die XXVI mensis Ianuarii, vota religiosa nuncupavit. Ipso die XIV mensis Augusti anno MCMXXXVL milites eum inve-