EPISTOLA V.

Ad easdem.

Easdem sorores hortatur, ut in sancta vita et paupertate semper perseverent.

Charissimae sorori Clarae et caeteris sororibus S. Damiani in Christo salutem.

Ego frater Franciscus parvulus volo sequi vitam et paupertatem altissimi Domini nostri Jesu Christi et eius sanctissimae matris et perseverare in ea usque ad finem. Et rogo vos omnes dominas meas et consilium do vobis, ut in ista sanctissima vita et paupertate semper vivatis. Et custodite vos multum, ne doctrina vel consilio alicuius ab ipsa in perpetuum ullatenus recedatis. Valete in Domino.