Acta Francisci Pp. 1101

nerunt simul cum fratre eius Iosepho M. Ruiz et eum vi conduxerunt ad

coenobium, ubi vidit cadavera Antonii et Petri.

9. Antea Eliseus vocatus, Iosephus Maria Ruiz Cardeñosa, O. Carm.,

natus et Osunae die XXVI mensis Iulii anno MCMII, qui vota religiosa nun-

cupavit die XXXI mensis Decembris anno MCMXXI. Inventus a militibus die

XIV mensis Augusti anno MCMXXXVI, eandem poenam subivit cui Eliseus M.

Camargo subiectus est. Hi duo fratres a tribunali militari, ita dicto, in area

publica sunt iudicati, et deinde conducti sunt ad locum Cruz de la Media

Lega et, eodem die, sclopeto sunt necati.

10. Carmelus Maria Moyano Linares, O. Carm., natus est die X mensis

Iunii anno MDCCCXCI in Villaralto dioecesis Cordubensis. Vota religiosa nun-

cupavit die XV mensis Augusti anno MCMVIII, et Romae die VI mensis Iunii

anno MCMXIV ordinatus est sacerdos. Adeptus doctoris gradum in theologia

apud Pontificiam Universitatem Gregorianam anno MCMXV, nominatus est

magister in coenobio in Hinojosa del Duque. Cum milites seditiosi in coe-

nobium invaserint die XXVII mensis Iulii anno MCMXXXVI, ille, etsi refugium

domi amicorum petivit, ne coenobium ne fratres dereliquit, sed tulit secum

Sanctissimum Sacramentum in pyxide. Die XVI mensis Augusti milites eum

ceperunt. Per XXXVIII dies in carcere mansit, in quo constantem operam

dedit reconciliationi et consolationi. Die XXIII mensis Septembris ductus est

simul cum viginti circiter aliis captivis in locum Dehesa del Espíritu Santo,

in quo, suam iuxta petitionem, ultimus necatus est.

Fama martyrii horum religiosorum sic auxit per annos ut Episcopus

Cordubensis causam beatificationis et declarationis martyrii inceperit. Pro-

cessus Ordinarius actus est inter annos MCMLVIII et MCMLX, et Processus Roga-

torialis Caracae in Venetiola anno MCMLX. Omnibus in lege statutis expletis,

die V mensis Decembris anno MMVIII habitus est Peculiaris Consultorum

Theologorum Congressus qui positivum emisit iudicium de martyrio, quo in

voto consenserunt Patres Cardinales et Episcopi in Sessione Ordinaria die

XIII mensis Aprilis anno MMX congregati. Ideo Veneratus Decessor Noster

Benedictus XVI die I mensis Iulii eiusdem eiusdem anni iussit ut Congre-

gatio de Causis Sanctorum Decretum super martyrio promulgaret et statuit

ut beatificationis ritus die XIII mensis Octobris anno MMXIII celebraretur. Hodie igitur, Tarracone in Hispania, de mandato Nostro, Venerabilis

Frater Noster Angelus S.R.E. Cardinalis Amato, Praefectus Congregationis

de Causis Sanctorum, textum Litterarum Apostolicarum legit, quibus Nos