6. De ss. Nomine Iesu.

la. Nomen Iesu, mel caelorum,

Pax est in ecclesia,

1 b. Turris fortis viatorum

Terrens infernalia.

2 a. Nomen Iesu idolorum

Confringit fabrilia,

2 b. Sublevamen miserorum

Confortat debilia.

3 a. Iesu bone, literarum

Vera refulgentia,

3 b. Da, collapsum tot errorum

Ne vincat versutia.

4 a. Nomen Iesu, decus morum

Per corda fidelia,

4 b. Certa merces bellatorum

In sacra militia.

5 a. Nomen Iesu, iubar clarum

Illustrans terrestria,

5 b. Te collaudat grex tuorum

Exoptans caelestia.

6 a. Iesu bone, rex caelorum,

Nos tibi concilia,

6 b. Ut perenni beatorum

Perfruamur gloria.

7. In Epiphania Domini.

1. Nostri promat

chori caterva

laude beata

propria

Deo reddens vota.

2 a. Concinat

ipsa laeta

melodia

sonora

sacra praeconia.

2 b. Gaudeat

omnigena

plebs redempta

per ampla

tellaris spatia.

3 a. Laetabunda

dies quia

nunc rutilat

epiphaniae

Christi dedicata,

3 b. In qua plura

Dei sonant

mysteria

trinitatis et

gloria unica.

4 a. Adoratur hic intra

positus cunabula,

salus factus inclita

gentium et rex

imperans omnia.

4 b. Hac quoque die ipsa

sanctificat flumina

lavat et membra sua

diluens nostra

foeda peccamina.

5 a. Hic antiqua

renovatur iam natura,

quam iniqua foedarat

olim sententia.

5 b. Baptizatur

Christus lympha, et humana

condicio a noxa

purgatur dolosa.

6 a. Mox spiritus super aquam

manet sanctus consercratam

veluti columba,

intonat

ac voce paterna:

6 b. Proles mea haec dilecta,

quam genui ante saecla,

credite in ipsa,

est quia

mihi complacita.

7 a. Post nuptialia

inter convivia

in vinum vertitur aqua

huius mira potentia.

7 b. Hac virtute sua

perfrui gloria

faciat nos perpetua

ipse, qui regnat aeterna

8. Semper in saecula.

8. In Epiphania Domini.

1. Omnes

2 a. ergo laetemur,

quia Dei filiolus

hodie

apparuit,

nostrorum

expurgator facinorum,

2 b. Quem peperit

dignissima puellula,

fecunda

a spiritu,

Maria,

virgo tamen permansura.

3 a. Ipse lavit hominum

crimina,

baptizatus suo

in Iordane fluvio

hodie

a Iohanne praecursore.

3 b. Vox et summi parentis

de polis

natum testatur,

virtus adestque almi

spiritus,

sancti datrix charismatis.

4 a. Christe piissime,

servulis redemptis

pretioso

sanguine tuo

auxiliare digneris.

4 b. Tibi magi tria

munera deferunt

teque Deum

pannis obsitum

et regem regum adorant.

5 a. Quae trinitatis

figurant fidem,

patris atque nati,

pneumatis in

quibus regnat unitas.

5 b. Te venerari,

trinitas, decet,

sancta et veneranda,

nunc et semper

per omnia saecula.

6 a. Te adorant

angeli in caelis

omnesque

virtutes caelorum.

6 b. Nos fragiles

etiam homines

in terris

te Deum nostrum laudamus.

7 a. Et unanimiter

credula te

ecclesia sancta

per orbem

confitetur perennem.

7 b. Nos imploramus omnes

humiliter,

ab omnibus malis

corporis

mentis quoque servare

8. Digneris,

unice omnipotentis

parentis.

9. In Epiphania Domini.

1 a. Lucis orto sidere

Quaeramus summopere

Regem regum omnium,

1 b. Quaeramus humiliter,

Non se pandit aliter

Cordibus quaerentium.

2 a. Iacet in praesaepio

Spreto regum solio,

Degens in infantia,

2 b. Formam dans querentibus

Calcatis terrestribus

Amare caelestia.

3 a. Herode postposito

Magos cultu debito

Sequamur celeriter;

3 b. Stella duce cursitant

Ad regem, quem praedicant

Regnare perenniter.

4 a. Offeramus typice,

Quod illi magnifice

Tulerunt realiter:

4 b. Tus superno numini,

Murram vero homini,

Aurum regi pariter.

5 a. His donis, o linum,

Placa nobis filium

Repletum dulcedine,

5 b. Ut possimus libere

Semper secum vivere

Paradisi culmine.

10. In Inventione Pueri lesu.

1 a. Innovernus gaudia,

Quorum auctrix est pia

Virgo Dei genetrix,

Vitae nostrae alitrix;

Frequentemus hanc hymnis,

Quae iuvat assiduis

Nos suis suffragiis.

1 b. Recolamus, qualiter

Haec Dei nostri mater

Veterem tristitiam,

Per Evae stultitiam

Introductam, reppulit

Gaudiumque retulit

Suis beneficiis.

2 a. Haec inventrix gratiae,

Reparatrix gloriae,

Vena omnis veniae,

Origo laetitiae,

Levamen maestitiae

A nobis continue

Est laudanda strenue.

2 b. Omne datum virginis

Habet partem hominis,

Qui capax est muneris ;

Nam partitur omnia

Virgo beatissima

Nobiscum donaria,

Quam amemus intime.

3 a. Nos conformes virgini

Faciamus cernui ;

Sit nobis compassio

Super Iesu perdito,

3 b. Sit et iubilatio

Pro invento puero,

Sic pro nostro modulo

Placeamus Domino.