Acta Benedicti Pp. XVI 449

II

Venerabili Dei Servae Ioannae Aemiliae de Villeneuve caelitum Beatorum tri-

buitur dignitas.

BENEDICTUS PP. XVI

Ad perpetuam rei memoriam. - « Et hoc mandatum habemus ab eo ut,

qui diligit Deum, diligat et fratrem suum » (1 Io 4, 21).

Venerabilis Dei Serva Ioanna Aemilia de Villeneuve sua in vita amoris

mandatum induit, Iesu in pauperibus pupillisque inserviens. Sic usque ab

inita institutione religiosa, voluit ut hoc inceptum miserrimis iuvandis desti-

naretur, secundum Evangelii praeceptum.

Die IX mensis Martii anno MDCCCXI Tolosae in Francogallia ex antiqua

nobilique familia orta est. Ex maternis curis fidem pietatemque recepit. Pro-

bo perducta spiritali moderatore, cui fidelis per totam vitam fuit, religiosam

vocationem elegit et die VIII mensis Decembris anno MDCCCXXXVI, una cum

duabus sociis religiosum vestimentum induit. Ex illo die suum nomen fuit

« Soror Maria ». Sic Congregatio Immaculatae Conceptionis orta est. Spiritale

eius filiarum propositum fuit vitam apostolicam activam agere: die XIX

mensis Martii anno MDCCCXXXVII officinam vestibus conficiendis pro pupillis

pauperibusque puellis condidit. Continuo post Congregationis opus auctum

est eique captivorum cura est demandata. Undeviginti vitae religiosae annis

Venerabilis Dei Serva quindecim domos, quarum quattuor in Africa,

condidit. Omnia haec incepta vitaeque agendae sororum ratio ex conditricis

ingenio sunt efformata. Adversus corporis, spiritus, intellectus paupertatem

pugna apud eam praecipuum obtinuit locum. Soror Maria inde ab Instituti

ortu alimentis, se convertit medicamentis carentibus, iuvenibus institutionis

expertibus, a iustitia adultis libertate spoliatis, gentilibus gentibus quae

corporis spiritusque adiumentis indigebant.

Humillime vixit, licet Conditrix esset, Congregationis moderamen reli-

quit, ut soror esset una de ceteris, quae novicias institueret. E vita die II

mensis Octobris anno MDCCCLIV cessit, cholera tres post morbi dies correpta.

Eius propter auctam famam sanctitatis apud Dei populum, Albiensis

Episcopus in Francogallia Processum Informativum Ordinarium anno

MCMXLVIII incohavit. Anno MCMLXV Decretum super scriptis foras emisit Con-

gregatio de Causis Sanctorum. Historici Consultores primum die X mensis