Acta Benedicti Pp. XVI 453

Causis Sanctorum consulto, auctoritate Nostra Apostolica facultatem faci-

mus ut Venerabilis Servus Dei Zoltanus Ludovicus Meszlényi, Episcopus et

martyr, qui, dedito ac munifico animo pastorale excipiens ministerium ut

Servo Dei Iosepho S.R.E. Cardinali Mindszenty adiutricem praestaret

operam, brevi tempore vitam pro Christo in confessione fidei insumpsit,

Beatorum nomine in posterum appelletur eiusque festum die quarta mensis

Martii, qua in caelum natus est, in locis et modis iure statutis quotannis

celebrari possit. In nomine Patris et Filii et Spiritus Sancti.

Persuasum autem habemus hunc beatum Verbi Dei praedicatione, sacra-

mentali ministerio ac potissimum patienti aerumnarum acceptatione ad

catholicam fidem inter fideles roborandam ac tuendam plurimum contulisse,

quem igitur censemus singulari hoc testimonio suaque nunc apud Deum

intercessione cunctis episcopis, sacerdotibus et christifidelibus magnum

praebere auxilium.

Quod autem decrevimus, volumus et nunc et in posterum tempus vim

habere, contrariis rebus minime quibuslibet officientibus.

Datum Romae, apud Sanctum Petrum, sub anulo Piscatoris, die XXXI

mensis Octobris, anno MMIX, Pontificatus Nostri quinto.

De mandato Summi Pontificis

Tharsicius card. Bertone

Secretarius Status

Loco e Plumbi

In Secret. Status tab., n. 124.372