Acta Apostolicae Sedis - Commentarium Officiale450

Octobris anno MCMLXXXIV, postea Consultores Theologi die XVIII mensis De-

cembris anno MCMXC favens suffragium tulerunt, sic Patres Cardinales Episco-

pique in Congregatione Ordinaria die IV mensis Iunii anno MCMXCI coadunati

edixerunt Venerabilem Dei Servam virtutes heroum in modum exercuisse.

Decessor Noster Venerabilis Dei Servus Ioannes Paulus II die VI mensis Iunii

anno MCMXCI declaravit eam cardinales, theologales eisque adnexas virtutes

heroicas egisse atque Congregationi de Causis Sanctorum concessit ut

congruum decretum evulgaret.

Omnibus iure statutis absolutis rebus, Nos Ipsi sivimus ut Congregatio de

Causis Sanctorum Decretum super miro die XVII mensis Decembris anno

MMVII ederet. Statuimus igitur ut beatificationis ritus die V mensis Iulii anno

MMIX in urbe quae est Castres celebraretur.

Hodie igitur de mandato Nostro Venerabilis Frater Angelus Amato,

Congregationis de Causis Sanctorum Praefectus, textum Litterarum Aposto-

licarum legit, quibus Nos in Beatorum numerum Venerabilem Dei Servam

Ioannam Aemiliam de Villeneuve adscribimus:

Nos, vota Fratris Nostri Petri Mariae Carré, Archiepiscopi Albiensis, nec-

non plurimorum aliorum Fratrum in Episcopatu multorumque christifide-

lium explentes, de Congregationis de Causis Sanctorum consulto, auctoritate

Nostra Apostolica facultatem facimus ut Venerabilis Serva Dei Ioanna

Aemilia de Villeneuve, virgo, Fundatrix Congregationis Nostrae Dominae

ab Immaculata Conceptione « de Castres », quae pauperibus curandis et

Regno Dei diffundendo vitam suam devovit, Beatae nomine in posterum

appelletur, eiusque festum die tertia mensis Octobris in locis et modis iure

statutis quotannis celebrari possit. In nomine Patris et Filii et Spiritus Sancti.

Haec vero quae hodie statuimus firma usquequaque esse volumus ac

valida fore iubemus, contrariis quibuslibet rebus minime obstantibus.

Datum Romae, apud Sanctum Petrum, sub anulo Piscatoris, die V mensis

Iulii, anno MMIX, Pontificatus Nostri quinto.

De mandato Summi Pontificis

Tharsicius card. Bertone

Secretarius Status

Loco e Plumbi

In Secret. Status tab., n. 94.818