11. In festo S. Salvatoris.

1 a. Christo, vero salvatori,
Decantent fideles chori
Laudes et praeconia;

1 b. Cuius nomen elevatum
Super caelos est beatum
Per aeterna saecula.

2a. Canit sponsa cantum suum:
Oleum est nomen tuum
Diffusum per omnia,

2 b. Quia pascit, quia lenit,
Quia cunctis supervenit
Lucens Christi gratia.

3 a. Namque alabastro fracto
Tuae carnis, dire tacto
Spinis, clavis, lancea,

3 b. Tanta spirat vis unguenti,
Ut odore tam recenti
Vitae dentur mortua.

4 a. Clamat sanguis Abel terrae:

Deus Christe, miserere,

Quia hic est salus vere

Et vita mortalium.

4 b. Quod declarat virtus patris
Eius inimicis atris,
Dum in sinu suae matris
Persequuntur filium.

5 a. At, cum nunc regnat in caelis
Mortis superatis telis,
Hunc persequitur crudelis
Et dira insania,

5 b. Formam cuius inhonorant,
Vultum turpi sputo rorant,
Pedes, manus, latus forant,
Sed quid mirabilius?

6 a. Fons cruoris large manat,
Qui aegrorum membra sanat,
Nec tortoris mens profanat,
Sed clamat humilius:

6 b. Parce, Iesu immortalis,
Qui es patri coaequalis,
Fove nos sub tuis alis
Et iunge ecclesiae.

7 a. Iam nos scimus, licet sero,
Quod a patre, Deo vero,
Et de sinu eius mero
Carne sumpta veneris.

7 b. Ne nos iungas cum damnatis
Pro commissis perpetratis,
Sed adunes eum beatis,
Cum nos iudicaveris,