12. In Transfiguratione Domini.

1 a. Gratis factus Deus homo,
Quos expulerat pro pomo,
Revocat per gratiam,

1 b. Uiam monstrans, ad quam ducit
Et per quam vocatos ducit
Ad promissam gloriam.

2 a. Tres in via gradus pandit
Tresque duces, quibus scandit
Quis ad caeli bravium;

2 b. Tenet Petrus praecedentem
lacobusque hunc sequentem
Et Iohannes tertium.

3 a. Ex his primam pone fidem,
Post hanc opus bonum quidem,
Quod datur ex gratias

3 b. Radix Petro fides datur,
Virtus Iacobo signatur,
Per Iohannem gratia.

4 a. Istis tribus comitatus
Hodie transfiguratus
Est in monte Dominus;

4 b. Unus ternus Deus patet,
Nec propheta nec lex latet,
Omnia sunt comminus.

5 a. Super flumen est audita,
Prope montem repetita,
Nunc auditur tertio:

5 b. Assunt duo Dei testes,

Splendentvultus, albent vestes,
Declaratur passio.

6 a. Bene nubes unitatem,
Tres sub nube trinitatem
Bino dant ternario.

6b. B......

7 a. Assit ergo fides vera,
Spes in nobis sit sincera
Caritatis glutino.

7 b. Sic configuremur Deo,

Nec pars nostra sit cum reo
Pio dante Domino.