EPISTOLA IX.

Ad provinciales ordinis minorum.

Hortatur eos, ne sint personarum acceptatores neve facile praecipiant per s. obedientiam, hortatur, ut, quid faciendum sit, subditis ex operibus proponant,

Dilectis in Christo fratribus ministris provincialibus ordinis minorum.

In regimine vestro, fraires ministri, duo vos deprecor: primum, quod non sitis personarum acceptatores, secundum. quod non praecipiatis facile per sanctam obedientiam: quia hoc est statim gladium evaginare, quod non debet fieri nisi matura consideratione et magna occasione, In mandatis moderati, in peccatores misericordes, condonando faciles, in victu abstinentes, in vestitu pauperes, in verbis mansueti, Deo et officiis vestris fideles estote. Ex operibus verba et praecepta eruite, si vultis, quod subditi ex verbis vestris facienda depromant et, quod ore praecipitis, illi opere compleant. Valete in Domino.