14. De Passione Domini.

1 a. Salve, salutare lignum,
Gloriosae crucis signum,
Triumphale signiferum ;

1b. Te sacravit homo-Deus,
Iesus Christus Nazareus,
Redemptionis pretium.

2 a. O Maria, mater pia,
Caritate vulnerata

Per passionis gladium,

2 b. Crucifixum non deplores,
Pro redemptis sed implores
Mori dignantem filium.

3 a. O Iohannes, virgo sancte,
Adoptionis matris tantae
Per amoris signaculum

3 b. Sacramenti conditorem

Placa, sponsum, salvatorem
Ecclesiae fidelium.

4 a. Rex honore coronatus,
Patronus et advocatus
Esto tuorum pauperum;

4 b. Pastor, ovibus intende,
Vitae pascua impende,
Nobis dona praemium.

5 a. Te fontem

gratiarum omnium,

5 b. Te summum

gaudiorum gaudium,

6. Cum Deo patre et spiritu sancto
Confitemur in saeculum.
Alleluia.