15. De Passione Domini.

1 a. Postquam Iesus sic cenavit,
Oliveti transmeavit

Montem cum discipulis.

1b. Ter oravit et expavit,
Deum patrem invocavit
Oculis flebilibus.

2 a. Sanguis cutem pertransivit,
Tremefactus et emisit
Sudorem sanguineum.

2 b. Iudas Iesum salutavit,
Ipsum ore osculavit,
Pium malus tradidit.

3 a. Tunc ad terram est prostratus,
Funibus illic ligatus
Et catenis ferreis ;

3 b. Hinc ad Annam est translatus,
Alapis colaphizatus ;
Poena gravis fuerat.

4 a. Irridentes, exspuentes
In faciem sanctissimam
Coetus hunc condemna-
verat.

4 b. Quo Pilato praesentato,
Ab Herode refutato,
Spreto cum cohortibus.

5 a. Cuius vestes doponentes,
Ac ad statuam ligantes,
Flagellis grave caeditur,

5 b. Coronam spineam plectentes,
Crudeli modo trucidantes
Caput eius sanctissimum.

6 a. "Ave, ave, rex" psallentes
Milites, hunc illudentes
Flexis suis genibus.

6 b. Iesu educto a Pilato
"Ecce homo" proclamato
Sententiae hic traditur.

7 a. Crucem solus baiulabat,
Crucifigendum corpus dabat
Et emisit spiritum.

7 b. Corpus eius deponitur
Ac sepulturae tradituri
Veritas attestatur.

8 a. O Iesus dulcissimus,

Te summum bonum petimus
Pro munere retributionis:

8 b. Quando corpus morietur,
Tua virtute anima perducetur
Ad regnum cum salute.