17. Missa de Tunica Inconsutili.

1 a. Plebs pistica, prome laudes
Redemptori, cuius gaudes
Habitu dignissimo,

1b. Fide firma per quem audes
Hostiles vincere fraudes
Agressu tutissimo.

2 a. Vestis haec est manuale
Matris opus virginale,
Actum sine sutura;

2 b. Corpus tegit filiale,
Donec debitum mortale
Ferret pro creatura.

3 a. O mirandum vestimentum,
Cuius aetas dat augmentum
Ab eius infantia;

3 b. Simul sumunt incrementum,
Nullum vestis nocumentum
Gerens, labis nescia.

4 a. Hanc Iudaei rapuerunt
Et sortem super miserunt
Nolentes partiri;

4 b. Nam, quod vates praedixe-
runt,
Haec ignari perduxerunt
Effectum sortiri.

5 a. Quam ab oris gentilium
Imperator fidelium
Karolus extraxit,

5 b. Regno gestante lilium
Per virtutis auxilium
Haec famam protraxit.

6 a. Ab argento sumpsit nomen
Oppidum, quo dedit numen
Sacram collocari,

6 b. Ubi gratis dat iuvamen
Christicolis hoc velamen,
Dignum decorari.

7 a. Guerrarum per intervalla
Vestis muro latens illa
Stat nullo sciente:

7 b. Unde fulgent miracula,
Monachorum oracula
Angelo ducente.

8 a. O quam certa probatio,
Indiscreta devotio
Militi franeenti.

8 b. Cui vitae sedatio
Fuit et restauratio
Reatum lugenti.

9 a. Ut fore Christi tunicam,
Quam mater egit unicam,
Fidelis confidat,

9 b. Gratiarum mirificam

Et nostrae precis amicam
Hanc nullus diffidat.

10 a. Quam colentes post mortalem
Stolam Christus immortalem
Det ferre nuptiis,

10 b. Perducens ad triumphalem
Collaetantes Hierusalem
Summis deliciis.