19. De Corona Spinea.

la. Speciali gloria

Cunctis in memoria
Christi sit martyrium ;

1b. Dulcis recordatio,
Qualis amicatio
Fuit illud omnium.

2 a. Homo, pensa suaviter,
Pro te Christus graviter
Passus est suspendium.

2 b. Clavi, crux et lancea,
Fel, arundo, spongia
Sint in visu mentium ;

3 a. Plus corona spinea,
Rubens et sanguinea,

Sacrum plectens cranium,

3 b. Lotrix nostri criminis,
Victrix Orci liminis,
Sublevans excitium.

4 a. Florum flos egreditur
Spinam, qua flos laeditur
In salutis gaudium.

4 b. Hanc ut crucem Dominus
Tactu sacrat, non minus
Sibi sit praeconium.

5 a. Lex hanc typat Moysi
Sertis Maon Isai
Saul cingens filium.

5 b. Hac divinae gratiae
Supplicemus facie
Frui det caelestium.