EPISTOLA XVII.

Ad dominum Jacobam de septem soliis.

Mortem prope sibi instare Jacobae indicat et ut cito ae, quae ad funus necessaria sint, afferens ad se veniat, invitat.

(Epistola imperfecta. )

Dominae Jacobae, servae Altissimi, fr. Franciscus, pauperculus Jesu Christi, salutem et societatem Spiritus sancti in Domino Jesu Christo.

Scias, charissima, quod mihi Christus benedictus per suam gratiam vitae meae terminum futurum in proximo revelavit. Quapropter si vis invenire me vivum, visis his literis ad sanctam Mariani de Angelis venire festina. Nam si post diem sabbati veneris, me vivum invenire non poteris. Et porta tecum pannum vel cilicium, in quo corpus meum involvas, et ceram pro sepultura. Rogo etiam, quod portes de illis comestionibus, quas mihi consuevisti dare, quando infirmabar Romae.