21. De Corona Spinea.

la. Gens Gallorum, iucundare
Te prae cunctis abundare
Sabaoth in vinea;

1b. Voce pia memorare
Donum Dei singulare
De corona spinea.

2 a. Quam cum turba praelatorum
Ludovicus, rex Francorum
A Philippo tertius,

2 b. Magna cum devotione
Passionis et coronae
Attulit Parisius.

3 a. Quam Venetarum incolis
Praeses Constantinopolis
Obligarat in pignore,

3 b. A Pipinis et Carolis
Honorandam christicolis
Tuo redemit tempore.

4 a. Providit heres . . .,
Quod regis nuntii . .
Non inconsulte precore

4 b. Attulerunt in Franciam
Latriae terrae propriam
A latialis lutore.

5 a. Felix proles Hectorea,
Gens in bello fulminea,
Felix Francorum filius,

5 b. Gens audax, a qua postea
Lutetium urbs antea
Dicta fuit Parisius.

6 a. Sanctis cuius doctoribus
Et invictis militibus

Victrix et doctrix galea,

6 b. His ut praedicatoribus,
Istis tamquam martyribus
Sacra mittitur aurea.

7 a. Plebs gratiae singularis,
Quae propter haec congregaris,
Coronae sollemnia

7 b. Dum canendo gratularis,
Inde ne obliviscaris
Coronae mysteria.

8 a. Christus fuit coronatus,
Sed coronae cruciatus
Pungentis angustia;

8 b. Victor fuit laureatus,
Fuit tamen sociatus
Dolor cum victoria.

9. Honor spinae sociatur,
Ut fidelis habeatur
Mentis in memoria.

10 a. Et attende, plebs devota,
Cui ratio non est nota,
Ex spinis [cur] laurea,

10 b. Et quid per hoc figuretur ;
Istud enim, ut videtur,
Factum est propterea:

11a. Nam corona, quae beatis
Erit, fiet haec damnatis
Ac reprobis spinea,

11b. Quando Christus iudicabit,
Quando purum separabit
Triticum a palea.

12 a. Nunc devoti supplicamus,
Ut in mundo sic vivamus,
Quod sequantur gaudia ;

12 b. Hic coronam celebramus,
Coronati gaudeamus
Aeterna praesentia.