27. In Resurrectione Domini.
Feria Quarta.

la. Splendent, ecce, novi
rutilantia festa diei,

1 b. Azima fermento

quibus est plebs laeta repulso.

2 a. Non haec Ebraici

vetus est celebratio phase,

2 b. Agnus praecipuam

tulerit haec ille figuram.

3 a. Etenim nostrum
pariter

pascha crucis
tulit suspendia,
uterque postis
intinctus,
ac piaculo
tanti criminis
luminaria
templi cum velo scissa.

3 b. Si primogenitus
Israel
conferatur
Aegypto,

qui carior cunctis
habebatur populis,
utrosque,
licet caesos,
parebit illos corpore
tantum, illos anima.

4 a. Nam nocte
media claustra
inferni disrupta
fideliumque omnium
redemptio facta.

4 b. Vetera

iam recedant
fermenta,
erumpant azima,
induantur nova.

5. Crucifixus Dominus
pro homine
eadem die,
qua creavit hominem,
mortuus atque sepultus,
velut in principio sua
cuncta patrarat opera.