29. In Resurrectione Domini.
Feria Quarta.

1. In exitu Israel
de Aegypto
Est cantandum
Alleluia.

2 a. Est Aegyptus spoliata,
Hebraeorum gens ditata
Alleluia.

2 b. Pharaonis currus multus
In profundum est sepultus,
Alleluia.

3 a. Eius posse est absorptum,
Tu, plebs Dei, tenes portum,
Alleluia.

8 b. Tu, plebs Dei, sis in laude,
Cauta Deo et adplaude,
Alleluia.

4 a. O rex Aebim, es deceptus,
David noster est erectus,
Alleluia.

4 b. Contra datam sibi sortem
Ionas noster vicit mortem,
Alleluia.

5 a. Samson Gazae seras frangit,
Orcus suas fractas plangit,
Alleluia.

5 b. Dagon cadens est confractus,
Daemon pugnans est subactus,
Alleluia.

6 a. Raab dedit filum nosse,
Quantum, quale crucis posse,
Alleluia.

6 b. Postis cruce consignatur,
Plebs a morte liberatur,
Alleluia.

7 a. Verus agnus immolatur,
Via vitae nobis datur,
Alleluia.

7 b. Fracto iugo dirae mortis
Resurrexit leo fortis,
Alleluia.

8 a. Resurrexit Christus vere,
Nequit illum mors tenere,
Alleluia.

8 b. Iesus fuit monumento,

Resurrexit, plebs, memento,
Alleluia.