31. Dominica in Albis.

la. Psallat chorus
Nunc sonoras,

Si tamen promeruit,

1b. Plebis sanctae,
Cuius ante
Deus crimen abluit.

2 a. Turba recens,

Quam fons praesens
Christo quoque genuit,

2 b. Quamvis lactens
Nova petens
Vetera deposuit.

3 a. Omnes simul christiani
Sacrificio paschali
Laudes dare studeant;

3 b. Pastor verus resurrexit,

Ad caulas oves direxit,

Semper ubi gaudeant.

4 a. Vicit vita,
Mors est victa

Hoc sollemni proelio;

4 b. Morte Christi
Surgunt iusti
Exempti exsilio.

5 a. Nos fermento
Tandem spreto
Veteris perfidiae

5 b. Iam securi,
Quod visuri

Regem sumus gloriae.

6a. Adeamus
Gallilaeam,

6 b. Transeamus
Ut per eam

7 a. Ad regna caelestia ;

7 b. Amen dicant omnia.