34. In Ascensione Domini.

1 a. Canamus alacriter
Corde, voce dulciter
Pulsis vanis eminus:

1b. Nam rex regum omnium,
Lux, vita fidelium.

Iesus Christus Dominus,

2.a. Postquam victo zabulo
Surrexit e tumulo
Paruitque servulis,

2 b. Monens, ut increduli
Non essent sed seduli,
Verbis et miraculis,

3 a. Et inserant libere
Lato patris munere
Orbi salutifera,

3 b. Hoc die cernentibus
Illis et mirantibus
Scandit supra sidera.

4 a. Nunc ergo te poscimus,
Ut nos, qui te colimus,
Orphanos non deseras,

4 b. Sed promissa caelitus
Dona sancti spiritus

Nobis, Christe, conferas,

5 a. Et in fine saeculi,
Cum opera populi
Veneris discutere,

5 b. Non saeva supplicia
Sed aeterna gaudia
Digneris impendere.