37. In Festo Pentecostes.
1. Laudes

2 a. Summo debitas
genitori immensitas
personet
nationum
per orbem
circumquaque positarum,

2 b. Et filio

ipsius unigenito

concinat

omnis chorus

sanctorum

dulce carmen angelorum.

3 a. Qui de sinu patrio
exiens

carnem induit
alvo clausae virginis,
humanae
pro causa natus salutis.

3 b. Utque suos solveret
nexibus
diabolicis,

mortem fuso sanguine
gustavit
et potenter resurrexit.

4 a. Et assumptam
aetherios carnem
in caelos levans
patris dexterae
iam immortalem iunxerat,

4 b. Mox missurus
fidelibus suo
ascensu multum
condolentibus
olim promissum spiritum.

5 a. Hodie throno
directus patris
sono repentino
corda sanctus
illustravit spiritus.

5 b. Divisionem

quondam linguarum
turrim construentum
modo linguis
adunavit igneis.

6 a. Fiduciam
suis apostolis
donaque
inserens doctrinae,

6 b. Ut populis
fidei monita
spargerent
quadruplo terrarum orbe.

7 a. Te, sancte spiritus,
suppliciter
imploramus voce
concordi
mentibusque devotis.

7 b. Ut, qui paraclitus
altissimi

patris atque nati
vocaris
utriusque communis,

8. Servorum

benignus sis consolator
tuorum.