42. De sancto Spiritu.

1a. Aquilone pulso, veni,
Hortum, auster, flatu leni
Nostrum perfla caelitus.

1b. Qui tuorum corda mundas,
Munda rigas et fecundas,
Veni, sancte spiritus.

2 a. Veni, lumen intellectus,
Fax amoris, pax affectus,
Informator operum.

2 b. Veni, doctor veritatis,
Veni, dator caritatis,
Distributor munerum.

3 a. Te docente nil obscurum,
Te iubente nihil durum,
Te duce nil devium.

3 b. Si quid foedat nos enorme,
Tui purgat septiforme
Roris beneficium.

4 a. Sapienti vere sapis,

Iste capit, quem tu capis,
Felix, qui te recipit.

4 b. Sano dulcis es palato,

Te recepto, te gustato

Omnis caro desipit.

5 a. Ergo veni, lux iustorum,
Veni, pater orphanorum,
Veni cum muneribus.

5 b. Amor patris filiiqui,
Locum para par utrique
Nobis in caelestibus.